香港觀塘｜Holam bakery

呢間千層蛋糕係我老公至愛 同佢講親去觀塘 佢第一樣就係諗到要買千層蛋糕 係咁多蛋糕店選擇下 我地每年最少都會買到2-3次 衣加工作室開左係觀塘 以後更容易買到喇 前排有日老公出黎觀塘搵我食晏 我派左佢去買定蛋糕返屋企等我 🫣返到屋企見雪櫃有8件！！ 最後我地輕鬆地兩日食哂8件 😀隻隻味都好好食

前日父親節又係食蛋糕既好時機, 今次都係一如既往係IG度揀左好耐, 最後揀左呢間一直都超人氣時千層蛋糕店🍰 真係唔可以睇少佢既魅力, 4點幾去攞蛋糕既時候佢既件裝蛋糕已經賣得7788, 亦都有好多人黎拎訂左既蛋糕, 聽親個個都係都訂左伯爵茶味🎂 今次我就貪心啲想一次試多啲味, 所以就訂左8味盒子🤩 8味盒子🎂($259) 8件唔同味既千層蛋糕既口味係冇得揀, 每次既口味都會有少少唔同, 買之前留意下佢地既IG就會知道有咩口味嫁喇, 如果想自己揀味就要買10件裝😉 今期呢8隻口味都係一啲長青款式, 分別係朱古力🍫 紫薯粒粒🍠 抹茶 🍵 伯爵茶🫖 原味牛乳🥛阿華田☕️ 香芋 🍠 黑糖牛奶🍬 味道方面我最鐘意茶味超濃既伯爵茶同好似食緊芋頭味雪糕既香芋, 其他果啲都好食, 不過呢兩隻味最深刻😌 質感方面餅皮厚薄適中, 忌廉滑得黎又唔會太甜, 食完一件會忍唔住繼續食落去😂 如果想加朱古力牌既可以加$10或者去到現場揀插牌都得🙃 整體黎講呢間性價比高, 絕對可以媲美Lady M, 最緊要價錢夠貼地又真材實料😊 蛋糕店仲有好多唔同特別既口味, 大家黎開觀塘可以黎試下🤓 如果想食到想要既口味, 我建議大家最好都係whatsapp問下店家有冇得訂先☎️

千層蛋糕唔會太甜，但好足味。日日都有唔同味道，要去佢fb 留意下。舖頭只有幾個位，但唔會趕人，下次要試下榴槤味先得。