香港荃灣｜Ding Lee

冬天凍冰冰😍最好就係食火辣辣雞煲啦🐥去海之戀揾食就見到鼎爺間鼎家起筷出左個90分鐘無限幸福雞煲🥘套餐配送新鮮蔬菜1份，可額外加火鍋配料。 價錢大人$168小童$98 價錢都親民貼地，但最緊要好食先重要😋就衝入去試下啦。 🐥幸福雞煲🥘有三款辣度選擇，BB辣🌶️中辣🌶️🌶️大辣🌶️🌶️🌶️ 我地食開辣揀咗中辣。材料有秘製雞煲醬、雞件、洋蔥、芫茜、辣椒。一上枱已經香氣撲鼻。上枱後唔好開蓋再焗多5分鐘後滾起就可以食得！雞肉大件質地好嫩滑好Juicy。有別一般雞煲炸到乾爭爭，我就唔鍾意嘅！意道雞件好多脾位又大件食得好爽😄但大家請留意唔係好食得辣就叫中辣啦！因為雞煲會愈滾愈辣嫁！🥵真係食到出哂汗但又好過癮！真心正🥰 食到咁上下我地就加湯打邊爐啦🍲 叫左珊瑚蚌$68同羊肉片$98 份量ok ，珊瑚蚌算係抵食添😝 套餐可以每位加$28無限任飲菊花薏米，洛神花茶^_^味道清甜解渴。 一樽樽上，食辣都唔怕啦！ 整體環境舒適，味道正價錢親民值得再嚟😋👍🏻

新式燒味cafe最新推出咗90分鐘無限添加雞件嘅幸福雞煲🫢 $168/位 麻辣雞煲可以選擇BB辣、中辣、大辣 另外送一份新鮮蔬菜 另外仲有得單點火鍋配料 價錢都幾平～ 店舖幾特別有唔少台式特色飲品～ 都幾高質！ ———-———-———-———-—————- 嗌咗之後好快就送上雞煲 等佢煲一陣店員就打開蓋幫我哋炒 然後冚蓋再煮多陣就食得～ 麻辣雞煲醬好惹味 配上大量芫荽 雞件大大件又新鮮、嫩滑多汁肉味香濃 可能因為本身做燒味所以雞件都特別高質～ 好味～ 食完仲可以無限添加🙈 之後就可以加湯打邊爐 墨魚丸 $48/8粒 魚蛋 $48/8粒 兩款丸都唔錯 價錢都好平好抵食 魚蛋爽口彈牙 墨魚丸彈牙帶嚼勁 烏冬 $28 $28有兩底🙈 係嗰種平嘅烏冬口感麻麻地～ 不過呢個價錢仲想點😛 芝士鐵觀音 $40 估唔到佢哋嘅飲品係黑馬😻 媲美台式手搖店 芝士奶蓋綿滑厚身 有種甜甜嘅芝士香 鐵觀音介乎清香與濃郁之間 味道甘醇 同芝士奶蓋好夾👍🏻 薄荷青蘋果蘆薈綠茶 $32 青蘋果清新可口 加上少量薄荷味更清爽 配上輕盈嘅綠茶同粒粒蘆薈 口感豐富 清新之選～

海之戀Donki同層有間「鼎家喜筷」餐廳，係藝人李家鼎名下餐廳之一，餐廳嘅嘜頭公仔正係按照鼎爺個樣設計。前幾日去咗食雞煲，除咗雞煲好食之外，仲撞見鼎爺本人係自己餐廳食嘢，真人好有禮貌好隨和！ 講返餐廳，餐廳都幾寬敞、座位鬆動、燈光夠光猛、望落去乾乾淨淨。 ➺➺幸福雞煲$168/位 90分鐘內無限添食祕製雞件。Gas爐勁猛火，成個雞煲幾分鐘就滾起，雞件熱辣辣！好多調味香料，雞件好大塊，但係非常入味，啖啖肉，仲好滑！個精粹係個祕製汁，包滿成塊雞件，BB辣啱啱好，好惹味！ 食完雞煲之後我哋就自行加湯打邊爐！ ➺➺隨雞煲附送蔬菜拼盤$88一個，娃娃菜、金菇、冬菇都好索湯汁，再叫多個豬肉片$88 有9大塊，性價比高！ 每位+$28日蚊就可以任飲菊花薏米或檸檬洛神，不過見到有好多其他特色飲品，所以就叫咗： ➺➺凍荔枝蘆薈綠茶$34 ➺➺凍鮮檸檬薏米水$42 兩杯飲品賣相都好靚，夠清新解渴，但後尾發現一杯唔係幾夠飲，建議都係加$28任飲之前提過嗰兩款飲品比較好。 ***加一服務收費