香港旺角｜基隆茶餐廳

原來太子都有基隆茶餐廳 咁啱經過見到就入去食個晚餐 晚餐有小菜&煮魚兩款選擇 都係跟白飯&茶/湯 其實仲有其他麵類焗飯既選擇 叫左沙薑雞飯跟中湯$68 首先黎左一大碗湯 真係超級大碗仲有湯料 味道好甜好好飲 沙薑雞同食開既唔同 唔係乾身反而係湯浸 食落肉質軟滑冇咁濃味 份量都幾多啖啖肉 有家庭小菜既感覺 平日夜晚8點都有唔少人黎食晚餐 大家都係點小菜配白飯 店員見我生客仔 好有禮貌講解餐牌&餐具位置俾我知 服務真係好好

叫左兩個客飯，好味，想再試蒸魚。

係愛呀😜 好多人懲罰⋯⋯鋪頭唔夠位。熱辣辣都係出邊等。 入到黎落單出餐執枱都亂亂地😂 漏單既同路人無發脾氣，伙記俾人圍住落單忙出餐態度都好好。 隔離枱無餐具附近既客人都主動拎住餐具盒俾佢。 倒瀉野大家夾手夾腳遞紙巾，個客濕身又無閙👍🏽 食完個個自動波埋單讓返枱俾出邊等緊既人✌🏽 係呢度，我感覺到愛呀✌🏽係以前一齊逼港島互相俾水俾紙巾俾風扇既情感。