香港九龍灣｜New O Restaurant

我今日要喺附近攞啲嘢，有啲肚餓，是但搵咗間茶餐廳食個西多士。去到都兩點幾， 過曬食飯時間，但係都好多人，差啲就冇位。 我嘅經驗話我聽通常呢啲一啲都唔起眼但係有勁多人食嘅茶餐廳都會幾正。 我打開咗呢間茶餐廳嘅價錢牌，發現價錢一啲都唔貴，好抵食，我叫咗個西多士配埋奶茶先至32蚊。西多炸得好脆，牛油夠大嚿，入面有好多花生醬，糖漿 一包包獨立包裝夠曬衛生，西多食落好香好甜，令我食得好過癮。奶茶嘅茶味好夠，都好好飲。 見到餐牌仲有常餐，可以配好多種唔同嘅配搭，例如五香肉丁、雪菜肉絲、雞扒、沙嗲牛肉等等，真係好多選擇，下次我一定要再去試下呢度嘅常餐。

早幾日難得放假，咁啱好耐都冇去過九龍灣行街，咁就約左朋友到九龍灣行下街食下飯呀，朋友就有果題意，想去食下茶餐廳叫餸食飯，但在德福廣場大多都係大型連鎖式餐廳，好難揾到茶餐廳，咁我地就行左去附近工業大廈果到揾野食啦，好彩比我地見到有間叫<新澳咖啡餐室>，咁就一於去食下啦。。。。。 西蘭花炒蝦仁 我同朋友都幾鐘意呢間餐廳煮法冇好似平常啲茶餐廳咁濃味及比較少油，咁晒而家追求健康的朋友，蝦仁好爽口。 梅菜蒸肉餅 呢個又係一個勁好送飯架菜式，肉餅好滑及諗，加上梅菜味道更加好味。 椒鹽蒜香豬扒 豬扒好有豬肉味，應該唔似有落鬆肉粉醃肉，因加左鬆肉粉醃肉會搞到啲肉冇晒肉味得個腍。 天氣咁熱架要叫杯凍飲解下熱啦，我就叫左杯紅豆冰啦。

食下午茶 西多士同炸雞脾都好食 菠蘿油個包唔好食