香港大角咀｜Harbour Tea House

📍 海灣茶居（大角咀） 新穎既得閑飲茶🫖$200飲茶🫖計埋茶介（$5/1位），真係好平，環境開揚又舒適，價錢合理，Cp值高既平民下午茶📍 🔸老乾媽金錢肚$32 金錢肚吸收晒自家製醬汁，好入味👍 🔸叉燒腸粉$30 充滿腩叉既皮薄餡靚既腸粉，叉燒肥瘦適中，入邊仲有豐富嘅蔥，餡料勁多，呢個價錢，真係底食👍 🔸鹹魚肉餅飯 肉餅鬆化，而且吸收哂鹹魚味，另加香茹，香味十足。食落煙韌爽彈😋 下午茶點心孖寶 🔸鮮竹卷 材料豐富，不馬虎，一咬落去啲汁湧晒出嚟～ 🔸鴛鴦蒸燒賣｛牛肉，黑松露｝ 兩種不同既燒賣，黑松露燒賣，入邊有一隻鮮蝦，外面沾上少少嘅黑松露，估唔到蝦加黑松露會甘夾👍 牛肉燒賣，偏向重牛肉味，沾左喼汁，味道就平衡返🐮 🔸北菇滑雞飯 啖啖肉嘅嫩雞，配上甜甜嘅豉油，每啖飯都食到雞油，令味道更提升👍 🔸鮮蝦菜苗餃 真材實料嘅原隻鮮蝦，有菜有蝦，十分飽滿。

夜晚都可以飲茶食點心，又可以食小菜嘅餐廳真係好小見。。就算係酒樓夜晚都無點心食啦，呢度可以滿足哂大家嘅食慾。 估唔到呢度坐得好舒服，又有卡位，有別於一半嘅酒樓茶餐廳。裝修都好光猛，茶具又靚。 餐牌好多選擇，除咗小菜點心連烤魚，泡飯都有。 雜菌咸雞粥 估唔到細窩都好大份量，入面有好多茹菇同雞絲，粥煮到好綿綿，味道唔會太咸岩岩好，好好食😋 豉油皇炒麵 呢個嗌粥就可以加20蚊，估唔到份量好多，豉油唔太咸，入面好多蔬菜絲，小見嘅紅椰菜，食落好脆口，啲麵又唔會太碎，讚！ 火龍果咕嚕肉 蜜桃炒，菠蘿炒就成日都見，火龍果炒係好小見，估唔到意外嘅好夾，啲咕嚕肉唔會好大舊，炸到好脆，無乜肥肉！火龍果食入口仲好juicy㗎。 酸菜魚 魚片好多，魚片好滑，夠入味。我覺得係偏辣左啲，入面除左酸菜仲有豆卜，青瓜，芽菜，薯粉 。呢個仲包白飯同例湯。 最後我地仲嗌左甜品 雙皮奶，薑汁味就食唔出，不過好滑溜，奶味好濃，正！ 班蘭椰汁千層糕 一客3件，呢個千層糕，口感係煙勒嘅，唔係鬆軟，所以我覺得好特別好味🤤 餐廳只係收5蚊茶錢，唔洗加一，環境又舒適。如果夜晚想飲茶，可以過嚟食😙😙

好鍾意嚟海灣茶居一盅兩件， 啲點心大件又抵食， 惹味又唔會夾咸～ 仲可以坐窗口位， 望住個街景慢慢嘆。 腩叉酥 $28 勁酥脆個皮！！ 入面包住嘅係好香好軟嫩嘅叉燒， 啲汁勁香濃勁正！ 蝦春卷 $35 呢個個皮又薄又脆， 一啖咬落去勁有口感！ 啲蝦夠晒新鮮， 加埋啲酸酸甜甜嘅醬， 個胃口即時打開晒！ 蝦餃 $18/2粒 蝦餃呢家嘢飲茶就必嗌架啦～ 呢度嘅蝦餃皮薄餡靚， 隻蝦夠晒大隻， 嚟親呢度都一定會叫蝦餃！ 蒸鳳爪 $25 蒸鳳爪好冇食就真係好睇個醬汁調較成點， 好怕出面啲蒸鳳爪好似俾堆油浸住咁。 呢度嘅蒸鳳爪一樣有落花生、豆豉、辣椒， 咸味剛剛好又唔太油， 老人家都一定好啱食。 鮮竹卷 $26 第一次喺度食鮮竹卷， 鍾意佢個腐皮浸滿上湯， 我哋連個湯都試飲埋， 係正架😆😆一啲都唔咸仲好鮮！ 欖菜肉鬆炒飯 $54 呢個飲勁驚豔！！ 估唔到欖菜炒飯係咁咁咁咁好食！！！ 可能係廚師炒得好夠穫氣， 真係勁香！ 仲要又平又大碟， 兩個人都夠食！ 性價比超高！