香港尖沙咀｜Log Ye Dim Sum

💁🏻‍♀💁🏻💁🏻‍♂️️💁🏿‍♀️💁🏿💁🏿‍♂️ 🏷 樂意點心 (尖沙咀) 環境優雅又抵食一盅兩件，除左點心仲有原隻蒸蟹飯，實屬難得 💁🏻 絕配套餐 $68 花鵰蛋白蒸紅花蟹飯 跟餐+$40 雲腿雞腳燉花膠 跟餐+$10 上菜果下確實有啲震驚，因為冇諗過會係原隻蒸蟹😍😍😍 店員準備好曬工具比我地拆蟹，雖然拆蟹花咗少少時間，但無阻我食佢既決心，蟹肉好新鮮，仲好多肉，勁正，蛋白加埋蟹肉撈飯簡直一流😋😋 💁🏻帶子菜苗餃/2件 $26 原粒帶子加嫩滑既菜苗餃，的確好味道 💁🏻紅菜頭蘿蔔絲酥餅/3件 $30 酥餅新鮮即炸，表皮好似千層酥一樣夠晒香脆。紅菜頭配搭紅蘿蔔，邪惡既表面包裹住養生既內心，相當有特色 💁🏻蠔皇鮮竹卷/3件 $25 經典既味道，不過不失 💁🏻腰果露湯圓 $26 初嘗腰果露，味道又幾得意，腰果本身帶有甜味同埋淡淡嘅奶香味，配埋芝麻湯圓甜度適中，為晚餐畫上完滿既句號 是否推薦↩️？ ✅ys, 環境乾淨優雅，食物味道有質素

尖沙咀美食攻略2023 超人氣點心小店,爭位食爭到打架都要食既小店 37度,門外也有幾十人排隊,認真巴閉 我地都等了30分鐘先有位 只岩2-4人黎,無大台的 必食招牌點心小吃 鮮花蟹蒸肉餅配白飯 鮮排骨,花甲粉,脆綠帶子餃,鮑汁鵝掌花膠,係咪同平時食到有少少唔同 先黎花膠鵝掌,掌身滷到好入味,一咬就離骨,皮嫩入味,唔會太咸,鮑魚帶提鮮味 仲配埋菜底,健康~ 花膠無腥,口感膠質好食 帶子餃,飽滿大隻,個皮幾Q,帶子鮮嫩,餡料幾多大隻 花甲粉係鮮花甲,粉絲,偏清淡,唔係平時食到個隻辣味好重蒜既,反而係靠花甲鮮甜 鮮排骨,嫩滑,大件,好食 最後最後,咸蛋肉餅加花蟹,呢個組合係未諗過既 花蟹有肉,大隻鮮甜,肉質鮮美 先食蟹,再食肉餅,肉餅同樣出色,配上蟹鮮味加蔥油,撈飯食一流,白飯2碗都KO 評分8/10 消費$300 4點後有空位,3點最多人 #樂意點心 尖沙咀漢口道19-21號地舖 Shop C, G/F, Hanyee Building, 19-21 Hankow Road, Tsim Sha Tsui

同朋友約好嚟尖沙咀食點心，呢間點心都幾多人幫襯，我哋3點半去仲都仲好多人。餐廳嘅樓底好高，雖然地方唔大，但環境唔會好嘈，用餐舒適。 絕配套餐$68/位+茶位$3 絕配套餐可以揀一款招牌籠仔飯同一款滋潤燉湯/湯餃，另外可以加多最多兩款點心/小吃，每款加$10。 龍仔蒜蓉龍蝦配帶子飯+$40 有半隻龍蝦，幾粒帶子，飯量好多，好抵食😳 菜膽瑤柱火腿燉老雞+$10 燉老雞湯好足料好入味👍🏻 紅菜頭蘿蔔絲酥餅/3件$28 從來無食過呢種點心😳本身睇個名不抱期望，因為完全無肉🤭但係出乎意料地好好食🤤酥餅超酥脆😋紅菜頭蘿蔔絲調味出色，同酥餅超夾😋必食！ 三色小籠包/3件$30 皮薄餡靚超多湯汁，湯汁仲好鮮甜，真心好食嘅小籠包🤤 龍蝦餃/2件$30 龍蝦肉彈牙爽口，唔錯。