香港佐敦｜點心到

點心到🍽️ - 燒賣/蝦餃 $30 平時叫燒賣永遠都係一籠4粒兩個人食即刻飽哂好彩呢度有得2粒咁叫！入面舊蝦勁大隻😋 - 鮮蝦腐皮卷 $28 腐皮卷煎到金黃色有少少焦咁勁好味😍加少少喼汁絕配👍 - 欖仁榴連酥 $30 榴連控必食！好少食點心會有榴連既甜品通常都係乜糕同楊枝甘露🤣佢個酥皮好脆入面榴連蓉勁香😌 - 薑蔥牛柏葉 $26 食點心牛柏葉同金錢肚都必點因為用個個碗蒸特別入味😂牛柏葉勁林唔洗驚咬到牙甩😉 - 金沙脆皮銀蘿腸 $28 呢個腸粉必點！佢入面係包左蘿蔔絲酥勁好味😍個人覺得正過炸兩好多🤣入面蘿蔔絲勁甜😋 - 籠仔金銀蒜海蝦飯 $42 重口味人士必食！佢個金銀蒜毫不吝嗇咁落成籠飯都鋪滿加埋豉油同蝦個個甜味🥲唔鐘意食飯既小編食左2碗🤣

《油麻地平價點心 抵食又好食😋》 冇諗到係旺角都有間咁平價嘅點心店，仲要係好食！好岩同朋友係旺角行完街，然後想平平地食一餐，點心到就岩哂啦！😆 1. 燒賣 (4粒) $32 大大粒，燒賣上面仲有大粒嘅蝦仁，皮好薄，入面係好足料嘅蝦肉同豬肉，非常香口彈牙，而且入面嘅豬肉肥瘦適中。 🌟 評分: 8/10 2. 鮮竹牛肉球 $21 口感鬆軟同淋滑，好香濃牛肉味，入面有少少芫茜吊起牛肉鮮味。 🌟 評分: 8/10 3. 蝦餃 (2粒) $16 蝦餃皮好彈牙咬落煙煙韌韌，皮好薄，入面蝦肉好飽滿，有大約3隻蝦左右，蝦肉好爽口，食落幾新鮮。 🌟 評分: 8/10 4. 上海小籠包 $24 小籠包皮嘅厚度啱啱好，容易夾唔會好易穿，肉餡都好足料，入面有好多湯汁，湯汁好鮮甜。 🌟 評分: 7/10 5. 黑金流沙包 $25 蒸包質地鬆軟，入面好多奶黃餡，有少少流心，唔會太甜味道啱啱好。 🌟 評分: 7.5/10 6. 金沙脆皮銀蘿腸 腸粉皮好薄好滑，入面有一層薄薄既脆皮裹住啲爽甜嘅白蘿蔔絲，白蘿蔔好清甜冇渣，口感好豐富入面有好多重口感。 🌟 評分: 8.5/10 7. 籠仔鳳爪排骨飯 份量好大，排骨數量有5塊，排骨鬆軟有口感，肥瘦適中，鳳爪好入味，飯夠乾身粒粒分明食落煙韌，而且有荷葉香。 🌟 評分: 7/10 🎖️整體評分🎖️ ❤️ 味道: 8/10 🧡 環境: 8/10 💛 服務: 9/10 💙 性價比: 10/10

抵食點心店點心無可挑剔，地理位置靠近地鐵站，方便快捷。 潮州粉果口感爽脆，內餡豐富美味。豉汁蒸鳳爪鮮嫩多汁，入口即化。蜜汁叉燒包香氣四溢，肉質鮮美。黑金流沙包外皮鬆軟，內餡奶皇濃郁順滑。上海小籠包皮薄餡多，湯汁鮮美。蜜汁叉燒腸肉質彈牙，甜味適中。楊枝甘露清涼可口，下午茶的好選擇。蝦餃新鮮多汁，一隻蝦餃大約有兩隻半蝦，足料且經典。蜆蚧綾魚球外脆內嫩，口感豐富。