香港觀塘｜Lung Dim Sum

之前都見到有唔少人介紹，咁就終於搵到人陪我去食🤣6pm到現場時唔算多人，但一過左7pm就開始愈來愈熱鬧，都好彩早咗去食😆 一龍大滿足 $68 一次過食到六款點心，感覺好抵食，賣相又極精緻，現場見幾乎一人一籠，係餐廳必食之選。 蟹粉菠菜香蝦餃 表面的魚子脆卜卜又爆汁，魚子的鹹味又帶起蝦的鮮味，呢款餃好有驚喜，就係要小心魚子跌到周圍都係。 筍尖蝦餃皇 蝦肉很彈牙，食得出蝦非常新鮮，筍又很爽脆，食落嗦嗦聲，蝦餃的皮亦很薄，真係皮薄餡靚。 松露野菌晶瑩餃 藍色半透明的賣相真係好靚，松露味非常香濃，裡面的菇碎爽爽地，好好食😋 鹹蛋黃墨魚燒賣 墨魚膠非常彈牙，咬開仲會爆鹹蛋黃汁，墨魚膠同鹹蛋黃汁mix埋味道很濃郁，既食到墨魚的鮮味，亦食到鹹蛋黃的鹹香。 酸菜魚鳳眼餃 很辣，勁辣，無諗過咁辣。朋友食時話辣，我都已經做好心理準備，結果都係被辣到，食咗半隻，吞咗落肚就feel到條脷麻麻地，但so far係好食嘅，表面的魚肉好有酸菜的味道，裡面的蝦亦很爽很彈牙。 豌豆桃子 餡應該係碗豆，但唔係好食到碗豆的味道，似就咁一個齋包。 脆脆富貴紅米腸粉 $48 紅色的賣相好精緻，出面都好少可食到紅米腸。紅米腸內包住炸衣同蝦肉，腸粉同炸衣食落外軟內脆，口感一流，食落好似炸兩。蝦肉都非常好食，又爽又鮮。隨餐有3種醬汁，我覺得配甜辣醬最好食，麻醬都ok，佢呢款麻醬都幾杰身。 一口豆腐 $52 豆腐炸得金香酥脆，裡面超軟，熱辣辣勁好食，蘸埋紅米腸的三種醬汁又係新的口感同味道😌 濃湯浸小棠菜苗 $48 食咗咁多肉，特登叫碟菜balance 一下。小棠菜都好爽口，好新鮮，keep到翠綠，湯底都幾鮮甜，唔錯。 龍點心 (Eastcore) (觀塘) 觀塘觀塘道398-402號Eastcore1樓4號舖 *上述文章只供參考及以當時價格為準

新潮點心菜式好食 這家新潮的點心店菜式精美味美，不僅點心好吃，其他菜式也很令人滿意。店內環境光鮮，裝潢新潮且懷舊，令人食得起勁，點菜以 QRcode下單方便快捷，閒來食下都唔錯。 茶位收費 $10/位 一龍大滿足 $68 點心多款花多眼亂，每款各一的確滿足。 松露野菌晶瑩餃：餃皮呈紫色，露香氣濃郁，配合野菌餡料，口感豐富； 龍蝦汁墨魚燒賣：口感彈牙，咬落爆汁； 酸菜魚鳳眼餃：微辣花椒味醒胃刺激，餡料蝦肉酸菜，加上魚塊，神還原酸菜魚的味道，好有特色； 筍尖蝦餃皇：蝦餡飽滿，鮮甜彈牙； 豌豆桃子：豌豆味道清淡； 蟹粉菠菜香蝦餃：青綠色的菠菜餃皮，包住三文魚籽和蝦肉餡料，加入上微量蟹粉，用心之作。 一口豆腐 $52 外皮炸粉超薄呈金黃色，豆腐軟滑入口即化，外脆內軟口感強烈，少許椒鹽調味，非常推薦。 黑金流沙包 $38 賣相精美，奶黃內餡豐富，流沙口感十足，非常美味。 鰻魚荷葉飯 $80 飯係粒粒分明，味道清香，配料豐富有雞粒、香菇、蝦仁和蛋料，主角鰻魚肥美厚實，無令人失望，金箔點綴增添貴氣，值得一試。

紅米腸粉係必嗌, 煙韌得嚟又有脆脆哋嘅口感, 加埋沙律醬同泰式辣醬一齊食幾有驚喜🫰🏻記住嗌埋蘿蔔絲酥同肉鬆馬拉糕先好埋單🙃