香港旺角｜Seorae

滿足既一餐☺️ 成日聽朋友講喜來稀肉好好食，今日慶祝出消費券就同朋友過嚟食飯☺️ 旺角店喺瓊華7樓。 入座佢有啲小食係任食，例如泡菜青瓜豆芽，即刻食左碗泡菜同芽菜先☺️ 出面仲有啲醬汁任君選擇 一上台佢有蛋☺️ 有分原味同芝士味☺️ QR code落單，即刻簡自己鐘意既野食☺️ 叫咗個牛排骨湯，哩個好清好好飲☺️ 而肉我地叫左喜來烤肉、牛肋骨肉同喜來五花肉配特制醬汁☺️ 烤肉其中之一係享受個過程，而佢哩三款肉都好好食😋 佢個抽風系統都好好👍 順帶一提個蛋係可以添加，再加多一個多芝士既蛋☺️好滿足呀

每次有朋友提議食韓燒，我一定會強烈推薦喜來稀肉！ 因為我覺得喜來稀肉嘅伴菜係非常之好食！尤其係佢嘅泡菜❤️❤️❤️❤️❤️❤️ 同埋佢哋啲生菜都比較新鮮同乾淨！ 無論咩時候都好食未經煮熟嘅嘢都係搵一間處理得乾淨啲嘅舖頭心理上都好過啲🤣 今次嚟到佢哋已經將以前嘅menu轉左形式，簡單咗好多，但食物嘅種類都唔少 同埋用qr code落單 除咗佢哋嘅伴菜之外，《護心肉》$158 都係每次嚟到必食之選❤️❤️❤️❤️❤️ 之後仲嗌咗《喜來烤肉》$158 店方好有心咁將牛肉片卷成一朵花 （但係呢張相入面已經俾人夾走咗一片，令到花不似花） 本身對喜來烤肉好有疑問🤔️究竟係牛嘅邊個部位，答案原來係牛肩 所以佢嘅肉味好香 《喜來五花肉配特製醬汁》$138 五花腩用上特製醬汁醃制過～脂肪燒完勁香口 但又唔油膩 IG: foodinlife_ Openrice: kiwi. Youtube:慧拍儀拍

✿跳出香港 · 來一頓韓國燒肉✿ 好耐無食過燒肉 朋友提議試下喜來稀肉 仲即時訂埋位 最鍾意呢d行動派既朋友😂 · 位於百利達廣場地庫 要落一層先到 好彩朋友訂左位 7點到見到已經有人排緊隊🤭 · 落到地庫 好似去左韓國咁 餐廳好有韓國地道氣氛 仲開始有聖誕裝飾既佈置 而座位好寛敞 空間感好大 座位下面可以打開 · 比客人擺下衫袋 · 餐廳用QR code落單 圖文並茂 唔怕唔知自己落左咩 · 一黎職員會先上前菜/泡菜/蘿蔔絲/生菜 然後就會開爐邊蛋 超鍾意食爐邊蛋 · 外脆內嫩 加埋芝士既爐邊蛋不得了 · ♡ 喜來烤肉（$158） 見枱枱都有點 即刻加點一份 牛肉堆砌成花既形狀 牛肉雖然薄切 · 但牛肉味濃 ♡ 特級牛頸肉 （$218） 牛頸肉通常都比較多筋腱位 但呢度既牛頸肉竟然唔韌 相反仲好軟腍 ♡ 真雪花牛肉（$228） 每片油脂分布均衡 一上枱忍唔住即刻燒黎食 牛肉軟淋 · 油脂感爆分 呢個配生菜食 個口感特別豐富 ♡ 辣護心肉 （$168） 每次食韓燒都必點 薄切既護心肉 輕輕兩邊一燒就食得 辣味唔算重 牛肉雖然薄切 · 無咩肉汁 但佢既肉質係最有咬感 · 肉味亦最濃郁 ♡ 海鮮泡菜餅 （$90） 大大塊金黃色 煎到外脆內軟 塊塊都食到海鮮 最鍾意煎餅有魷魚 魷魚Q彈配埋煎餅脆身 個口感好豐富 點埋個洋蔥醬汁 超級惹味 整體而言 牛肉質素幾高 店員服務都幾主動 會教我地點燒會比好 最重要係呢度抽風好好 食完都唔會全身燒肉味