香港跑馬地｜Suzuno

今日同好姊妹去跑馬地食omakase，呢間之前好難訂座，今晚終於可以食啦，食物有驚喜，師傅好健談，大家都食得開心。 先付： 芝海老爽口彈牙，鴨胸嫩滑，新鮮銀杏口感綿密。 湯: 燒秋刀木之子，雜菇好有口感，加上秋刀魚嫩滑。 刺身: 1.平目魚 加左酸汁味道酸甜開胃，紫蘇花香味濃郁。 2. 縞繆 口感爽滑，厚切好滿足。 3.水八爪魚 八爪魚去左紫色外層，入口軟林，吸咀加上醬油漬wasabi令人不停想再食。 4. 赤貝同白見貝 兩隻都十分鮮甜，完全無腥味，口感爽脆。 5.筋子配蘿蔔蓉 新鮮筋子爽口彈牙，粒粒飽滿。 季節料理: 1.蒸蜆 無加水去蒸，原汁原味，份外鮮甜。 2.海老真丈 自家制蝦丸熱辣辣，蝦味濃郁多汁。 壽司： 1.金目鯛，入口細緻鮮嫩。 2.關鯖，新鮮濃郁魚香。 3.槍魷魚，爽口彈牙。 4.帆立貝，厚肉肉質鮮甜。 5.甘老蝦，鮮甜爽口。 6.中拖羅，入口鮮嫩無筋。 7.大拖羅，油脂分布平均，入口即溶。 8.醬油漬赤身，充滿光澤感，魚味層次豐富。 9.海膽手卷，creamy鮮甜回甘。 10.吞拿魚蓉手卷，魚油豐富，加左香葱口感更佳。 甜品： 南瓜布甸入口濕潤，好香，杮爽脆多汁。

呢間omakase係第一次同朋友嚟， 但係根據師傅講原來係舊鋪做左九年， 最近搬過嚟。 先付： 水雲配山芋蓉 沢蟹 蜆肉 京都鱧魚順菜清湯 鱧魚整第好多骨，而師傅用咗好多心機起曬骨， 食落唔會有骨。 白蝦三蝦 白蝦三食非常高質 分別有白蝦刺身，炸小白蝦同埋炸白蝦丸（真丈） 白蝦刺身非常鮮甜， 唔點豉油去食仲正。 炸小白蝦， 好似將白蝦嘅味再濃縮咗一樣 ， 又甜又香口 ，用嚟送酒非常適合。 白蝦丸 送上枱嗰陣時仲係熱辣辣 縞鰺 刺身 高森名物 油份充足 爽口重魚味 白燒鰻魚 食落非常驚喜 白燒嘅意思係無加任何嘅醬汁去煮 但係佢食落依然好香夠味，同埋燒到個皮好香脆， 同埋白燒鰻魚口感唔會過硬過軟，肉質唔會好似出面食嗰啲鰻魚咁淋bet bet。 北海道八爪魚腳同吸盤 一啲都唔韌，吸盤爽口， 建議加埋漬 wasabi醬一齊食，好夾。 壽司： 壽司飯已經有調味同埋加埋wasabi， 所以食嘅時候唔點醬油都ok。 伊豆金目鯛 （皮用水灼過，可以連皮食，保留更多油脂。） 關鯖 秋刀魚 佐賀生墨魚BB（係期間限定） 青森 帆立貝 石垣貝 （好鮮甜，甜度比帆立貝仲要高） 甘海老 中拖羅 大拖羅 加鹽（ 入口即溶非常肥美） 赤身 （天身）（吞拿魚中心嘅瘦肉） 甜品： 十勝紅豆水羊羹 + 日本蜜瓜 水羊羹比起羊羹會冇咁甜，相對啱香港人嘅口味。 食完已經夠曬飽， 師傅好好傾， 食材新鮮，成餐飯不知不覺食咗三個幾鐘， 絕對對得住呢個價錢。

知道呢間Suzuno omakase好耐了 舊鋪係係銅鑼灣sogo 附近 依家搬左鋪去跑馬地之後終於有機會一試 個日係閒日晚上 餐廳都依然full booking 證明真係好受歡迎呢 餐廳裝修好靚 個晚叫左dinner menu “雅みやび” ＄１８８０ 價錢係絕對值。全晚得一個Omakase師傅控全場 但氣氛依然好好 會照顧到每一位客人 絕無冷場！其實食omakase 都係鐘意師傅同客人之間既交流 再配高質美食 先付： 宮崎縣mini蟹 配水雲漬物｜腐皮卷｜蜆肉 蜆肉食得出新鮮 腐皮卷豆味濃 吸物： 係鱧魚同蒓菜既湯品 鱧魚骨頭柔軟, 師傅講明魚骨切到好細 絕對可以放心食用的～～ 配埋蒓菜 口感潤滑 飲埋個湯, 真係好清甜 刺身： 有多款刺身 食得出每個都係好新鮮 -四國愛媛縣石鯛魚刺身～口感Q彈, 配上少量檸檬+柚子汁 提升味道層次 -九州櫻島間八刺身 -北海道水八爪魚～ 有八爪魚身同腳 配新鮮即磨山葵｜漬山葵 水八爪魚腳: 爽脆彈牙, 配上即磨山葵, 味道更為突出 水八爪魚身: 帶點鮮甜味, 口感黏黏的 配搭漬山葵 好夾！ -三文魚筋子配蘿蔔蓉: 魚油滲出點點甜香, 再撈埋蘿蔔蓉一齊食好夾～ -長崎縣粟米天婦羅 師傅只係直接炸, 無經任何調味, 咬落去係爆汁既清甜粟米! 白蝦3食 師傅話日本人鐘意食白蝦 亦都係當地人長壽既秘密 三食包括 素揚白蝦｜白蝦刺身 ｜白蝦蝦球 最印象深刻反而係白蝦炸蝦球 口感勁彈牙 好重鮮蝦味 味道一流！ 壽司 Sushi 10款 食到呢度其實已經有7成飽 可以同師傅要求少飯 師傅就會配搭mini 飯 岩岩好 壽司有 鮎魚｜熱海金目鯛｜新墨魚bb | 青森縣帆立貝｜岩手縣石垣貝 ｜吞拿魚三食 最後由北海道根室市海膽作結 師傅勁唔客氣 比左超多海膽！海膽新鮮到味道甘香濃郁, 回味無窮 到依家仲好回味 甜品：係富良野蜜瓜 紅豆羊羹糕 蜜瓜又甜又多汁配埋紅豆糕 好滋味 食完已經有10成飽！餐廳氣氛、師傅熱情好客、加埋食材質素 絕對對得住個價錢 值得encore