香港尖沙咀｜ÔDELICE (Tsim Sha Tsui)

🇫🇷鬧市休閑法國菜🍽️ 係THE ONE買完野順便係度食埋飯先走。 🐌法國香草蝸牛 薯糰丸子🥔 好香濃嘅香草味，醬味主要由牛油🧈、蒜頭🧄、香草🌿同其他調味料製成，蝸牛鮮甜、口感彈牙。薯糰丸子口感綿密、柔軟、帶有薯仔嘅香氣同麵粉嘅口感，可以點埋青醬一齊食。 🦞馬賽籠蝦海鮮鍋🦑 (半隻龍蝦🦞，黑青口，大蜆，盲曹魚🐟，魷魚🦑) 係海鮮大集會，超級豐富！龍蝦，黑青口，大蜆鮮甜肥美，肉質彈牙。盲曹魚煎到塊皮酥脆香口。醬汁好香蕃茄味，酸酸甜甜好開胃。仲有兩塊麵包可以點埋啲汁一齊食，超級滿足！ 🐥油封鴨髀🍗 法國油封鴨髀先係醃製過，然後油炸到金黃色，香氣撲鼻、口感豐富，外皮酥脆可口而且肉質柔軟，肥而不膩。配上薯糰丸子同椰菜做伴碟，足夠飽肚。 🍐啤梨杏仁撻🥧 啤梨杏仁撻嘅口感清新、鬆軟、帶有杏仁和啤梨嘅香氣，不過冇杏仁常見嘅藥味，甜度適中。煮過嘅啤梨同呢個撻嘅口感好夾。喺撻餅上灑上脆卜卜嘅杏仁碎，口感更加豐富。

💎 $538 晚市雙人套餐 套餐包含咗餐湯、頭盤、兩份主菜、甜品， 加少少錢仲有兩杯酒飲， 呢個價錢認真抵食😋 💎 是日餐湯 今日是日餐湯採用咗黃瓜同忌廉去烹調， 飲落清甜而不膩外， 入口亦好絲滑， 另外仲加左南瓜籽碎增加口感😋 💎 蕃茄茴香酒煮蜆 作為頭盤， 呢個菜真係好開胃😋 茄味酸酸甜甜， 加上白酒， 好食到停唔到口！ 蜆肉份量多， 唔驚食完唔夠喉😋 💎 軟殼蟹意大利飯 意大利飯用上龍蝦汁烹調， 口感軟硬適中， 保留煙韌感同時creamy濃郁， 而配上蘆筍同炸軟殼蟹可以中和飽膩感， 亦更香口！ 💎 +$30 澳洲肉眼牛排 呢度嘅肉眼牛排非常有水準！ 今次叫咗五成熟， 肉質軟熟， 所以非常容易切開， 切開時候有肉汁爆出嚟， 食落林身， 肉味重， 唔使點黑淑汁都好好味😋 💎 花生朱古力可麗餅 焦糖雪糕甜度適中， 食落十分綿滑， 配埋粒粒花生同朱古力醬， 連可麗餅一啖食超滿足😘 💎 +$70 氣泡酒 Chardonnay氣泡酒一向好清爽， 淡淡酒香， 平衡嘅酸度可以中和牛扒同炸軟殼蟹嘅油膩感！ 💎 +$60 甜白葡萄酒 法國波爾多一向盛產甜白酒， 呢款微甜之餘帶有好香葡萄味， 好易入口， 適合想飲酒但又怕好苦澀嘅人試試！

法式滋味brunch 難得老公放假，同佢一齊去尖沙咀The one 嘆下法國菜brunch，呢間法國菜我之前同朋友食過好正，坐得舒服，食物又高質，所以今次帶老公嚟再嘆吓☺️ 餐廳裝修型格，黑白格地磚襯托深藍色牆壁加落地玻璃，我們坐窗邊，窗外可以看見外面尖沙咀既風景，一入餐廳，侍應便為我們殷勤介紹菜式，我哋叫咗兩個brunch set ,另外追加左一道菜色再加一個法式crepe😊 首先來餐湯及沙律，是日餐湯很特別，雅枝竹忌廉湯，裏面還有巴馬臣芝士，味道香濃，沙律菜都好豐富，除咗一般沙律菜裏面還有紅菜頭，爽脆新鮮。 首先來第一道主菜，半隻龍蝦炒蛋，配上牛油果莎莎，布里歐修麵包，龍蝦鮮甜爽口，炒蛋好滑溜，牛油果好Creamy，配上荷蘭醬汁加埋最底嘅麵包，味道十分之夾。 之後來第二度主菜，澳洲M4牛胸腹扒，因為唔想太生order咗七成熟，牛扒已為我們切開，肉質好粉嫩，生熟程度剛剛好👍🏻咬一啖不得了，肉質非常之嫩滑，牛味濃而且充滿肉汁，點少少燒烤汁更加正，伴碟既薯條份量都好多，又香又脆，送和牛食一流。 之後來另一配菜，order brunch可以優惠價追加都幾抵, 我地揀咗蕃茄茴香酒煮蜆，蜆肉大大粒而且勁鮮甜冇沙，蕃茄茴香味道夠Fresh，加上酒香味襯托出蜆肉嘅鮮味。 最後是甜品時間，食法國菜，當然要試吓法式crepe,我們點了火焰橙酒可麗餅，上菜時侍應即時點火並把橙酒淋上,crepe上有好多橙肉，香橙醬汁，仲有一球香橙雪糕，crepe香軟配上暖暖既橙酒同香橙醬味道好夾，配一些新鮮嘅橙肉同雪糕一齊食仲正，一冷一熱好有冰火既口感😍我哋都好滿意呢一餐，無論食物質素、環境，服務都一流，而且價錢合理，下次值得再試👍🏻