香港旺角｜Mom's Dry Noodles (The FOREST)

同男朋友揀咗#大滿足二人套餐 😆，有前菜(款式不固定)、小食(可以揀小食拼盤或滷水牛三寶)、主食(14款入面揀2款)、飲品兩杯同甜品，價錢為$288。 🍱#台式小食拼盤 一碟入面有炸雞、台灣腸片、炸墨魚丸、沙律菜同腐乳醬。炸雞至少有六大舊🤩，本身已經有少少鹹味，如果鍾意嘅話可以點埋腐乳醬，鹹香味會更突出❣️。台灣腸切成一片片有油香，我覺得個軟硬程度有少少似臘腸😆。炸墨魚丸雖然得兩粒，但係都圓轆轆大大粒，幾彈牙嘅。 🍝#椒麻手撕雞拌麵 香濃嘅椒麻味，加上大量花生碎，令拌麵更惹味🤩。拌麵麵底可以揀幼麵或刀削麵，波浪紋嘅刀削麵更加能夠大面積咁沾上醬汁💕，麵條亦有一定厚度，煙煙靭靭的😛。手撕雞相對就會乾少少但同刀削麵好夾！ 🍲#台式三杯雞配珍珠米飯 三杯雞用石頭鍋上，店員拎緊過嚟嘅時候已經聞到好濃嘅醬油香味😚。雞件用咗雞髀肉位置，所以好滑冇咩骨。重點係鍋入面嘅蒜頭，吸晒所有味道係精華所在😎。 🍷#洛神花茶 見到一整朵洛神花係個杯入面，浸咗好耐唔會淡茂茂，餐廳加咗啲糖漿所以飲落偏甜，如果下次再叫會要少甜😌。 🧉#金羅漢果海底椰 睇到一絲絲海底椰用料不欺場，羅漢果味道都突出，味道有少少似飲緊竹蔗水😝。 🍮#花奶仙草凍 仙草加花奶傳統配搭冇得輸✌🏻，飯後甜品份量來講都幾足夠。

椒麻手撕雞拌麵：揀咗刀削麵感覺上比較有趙口，味道幾重椒麻香味，食完個嘴有少少麻痹，雞肉份量算多，入口幾惹味。 川味紅燒半筋半肉牛肉湯麵：牛筋同牛肉都炆得好淋好入味。紅燒湯底好濃郁，刀削麵算幾掛湯。 炸地瓜條：即叫即炸外脆內軟，面頭灑咗少少梅子粉，酸酸地幾開胃。 黑糖珍珠奶茶布丁：布甸好Q彈 ，動L 動L好啱打卡，布甸幾重茶香味 花奶仙草凍：仙草口感味道似涼粉不過質地比較Q。 鳳梨茉莉鮮果茶：鳳梨味突出，水果幾新鮮，整體唔算太甜。 老媽黑糖珍珠鮮奶：重奶香味🥛黑糖唔算太甜，珍珠煙煙韌韌口感唔錯。

老媽拌麵係台灣過江龍麵店🍜餐廳環境木系簡約風格,地方闊落,staff友善👍🏻 台式下午茶🍜 西紅沛慢煮牛肋條拌麵 $68 麵底揀咗刀削麵,口感帶有少少煙韌,牛肋條軟腍,拌麵嘅醬係蕃茄味,味道酸酸甜甜😋 酥炸脆豬排湯麵 $66 揀咗川味紅燒湯底,湯底味道幾濃,帶有少少藥膳味, 麵底都係揀咗刀削麵,口感帶有少少煙韌,豬排外脆內軟,肉質嫩滑,味道似鹽酥雞😍 豆乳香香雞 跟餐+$22 香香雞炸得香脆,點埋豆乳醬,味道幾夾😋 澎湖花枝丸 跟餐+$22 花枝丸外皮香脆,內裏彈牙,點埋甜酸醬,更加惹味😋 凍洛神花茶 杯子底部有洛神花,味道酸酸地,幾開胃 凍柚子蜜綠茶 杯子底部有柚子蜜,配上綠茶,味道唔會太甜