香港地下｜立鮨

魚生幾新鮮，建議試下個魚子飯，依間日本料理個三文魚子有漬過，有淡淡柚子既清香。

「立鮨」好耐之前已有名氣，仲keep住有人氣，因為抵食、質素唔錯、多選擇，不知不覺依家已經有四間分店。最近最大嘅轉變應該係由立食店轉為提供座位餐廳。高櫈座位圍住半開放式廚房，用QR code點餐之後，師傅會將食物由廚房內直接遞到食客面前嘅壆上。旺角分店嘅座位唔算多，有十幾個單人或雙人座位，之間有隔版，私隱度好高，個人好鍾意呢個設計，因為食得好自在！座位上所需醬料、餐具、綠茶粉、出水位，一應俱全。 ————————————————————————- ➺➺立鮨特上壽司拼盤(午市套餐)(隨餐附送湯＋沙律)$150 「立鮨」午市限定套餐做到好晏，下午五點幾都仲食到，盛合拼盤價錢$60至$158，我點呢個餐已經係第二貴！包括有牡丹蝦壽司、深海池魚壽司、北海道帶子壽司、中吞拿魚腩壽司、海膽壽司，上層刺身好大件，肥大肉厚、好新鮮，下層壽司飯唔大舊、師傅將飯團捏得緊致，不易鬆散，用醋比例啱啱好，提升胃口！ ➺➺迷你辣三文魚飯(午市套餐加配)$28 5件壽司唔夠喉，追加埋呢個迷你三文魚飯就啱啱好！以呢個價錢加配，本身無抱好大期望，點知賣相同味道都非常唔錯！上面鋪滿厚厚一層切粒三文魚，稠糊狀嘅辣汁混合三文魚粒，呢隻辣味有d刺激，但辣度又唔算高，好鍾意！飯都好好味，有用醬油輕微醃過。 ➺➺櫻花蝦玉子燒(2件)$25 以玉子燒嘅份量同味道嚟講，絕對物超所值！玉子燒幾大件，而且入面加入菠菜提升口感，炒蛋鬆軟香甜，面層有沙律醬，仲炙燒過！ ➺➺白子小食 (3pcs)$58 白子外面炙燒過，有輕微焦香，但入面依然柔滑！白子有好豐富蛋白質，食落感覺奶油奶油，連同酸微微醬汁食完全唔覺有腥味。 ➺➺北海道帶子刺身(3片)$29 帶子肉紋理清晰、有光澤，味道鮮甜！

旺角性價極高壽司店 米爸咁岩係旺角做野，忙左成個朝早，趁住Lunch hour， 一個人偷偷地去食個高質壽司獎勵吓自己，不過唔俾得米媽知架，唔可以俾佢知我獨食架😂😂 言歸正傳先，等米爸介紹下呢間已經有幾間分店嘅立鮨嘅先。 櫻花蝦玉子燒 $25 前菜叫左超鐘意食嘅玉子燒。玉子燒非常香蛋味，混合住櫻花蝦嘅鮮味，再加上滿滿嘅芝士同脆卜卜嘅三文魚子係表面，令人食慾大開，作為開胃菜，一流😋！ 自選壽司定食8貫 呢個壽司定食真係性價比超級高🤩，可以由19款壽司中揀8件，仲跟左湯同沙律！加$38仲可以轉一件為大拖羅，抵到爆！而壽司飯用上赤醋飯，食落有飯香同醋香，令每款壽司食落好有層次！ 米爸爸揀左： 劍魚腩壽司 肉質鮮味，口感爽滑，油脂飽滿。 蟹肉蟹膏軍艦 蟹肉鮮甜🦀、蟹膏濃郁，加上紫菜的香脆與壽司飯的口感，回味無窮！ 鰻魚壽司 個鰻魚汁真係世一，加上鮮嫩肥美嘅鰻魚，好想再叫多客😝！ 珍寶甜蝦壽司 大大隻甜蝦，仲好細心咁去尾，一啖食落去，蝦嘅甜味係口腔慢慢滲出嚟，好食！ 北海道帶子壽司 北海道帶子大大粒，肉厚鮮甜✨！ 火炙左口魚邊壽司 火炙後嘅左口魚啲魚油迫晒出黎，香口到不得了😍！ 日本真鯛壽司 魚肉鮮美，口感嫩滑，入口鮮美。 大吞拿魚腩壽司 米爸係大拖羅超級fans，一見到呢件大拖羅已經wa左一聲😍，呢個價錢可以有一件咁大，無筋，又入口即溶又鮮美嘅大拖羅，果種滿足同幸福嘅感覺，真係好想再擁抱一次☺️！ 由於壽司定食真係太好食，米爸忍唔住再追加左兩件壽司🤭 大吞拿魚鮫壽司 (Kama Toro) 岩岩米爸講完想再次擁抱滿足同幸福嘅感覺，呢頭就立即俾機會米爸再次擁有！呢款拖羅米爸都係第一次食，果種雪花嘅油脂，你會以為見到嘅係和牛，但色澤係更加亮麗，靚到唔捨得食，一放入口，果種油香同魚味嘅爆發，難忘，我諗之後個個月都要再黎食先得🤭！ 油甘魚壽司 油脂豐富，口感鮮美，一啲都唔腥，師傳調味非常出色，好食👍🏻！