香港九龍城｜SAKE BAR Present 禮 居酒屋

《九龍城隱世高質居酒屋 主打惹味串燒😍》 1. 板煎和牛粒 ($128) 和牛粒份量好多，醬汁亦冇遮到和牛既油香味，和牛油脂豐富，肉質鮮嫩有肉汁，醬汁甜甜鹹鹹非常惹味。 🌟 評分: 7/10 2. 富士蘋果煙肉卷($48/串) 蘋果烤到微熱，脆嫩既口感，烤過後都保持到富士蘋果既清新清甜；煙肉既煙韌囗感，好特別，從來冇試過既配搭，蘋果既清甜啱啱好中和煙肉既鹹香。 🌟 評分: 8/10 3. 青森青提豚肉卷($48/串) 豚肉烤到焦香迫出油份，包住整隻大大粒青提，青提燒到微暖；豚肉食落好有油香有肉汁，青提好爽甜，兩者味道好配合。 🌟 評分: 7.5/10 4. 京蔥雞肉串 ($48/串) 雞肉串上面充滿醬汁同芝麻，雞肉食落非常香嫩多汁有焦香，京蔥清脆，而且吸滿醬汁。 🌟 評分: 8/10 5. 媽媽鹹蛋豬肉棒 ($48/串) 表面淋到好多鹹蛋黃醬非常香濃，豬肉棒入面係免治豬肉，表示經過燒香，食落有焦香，口感鮮嫩。 🌟 評分: 8/10 6. 金菇牛肉卷($58/串) 醬汁好香濃，牛肉好肥美，金菇好爽口，幾好食。 🌟 評分: 8/10 7. 蒜香三文魚反卷（六件）($158) 反卷入面有玉子、青瓜同埋醃蘿蔔，食落有蒜香，三文魚新鮮，冇腥味，反卷口感好爽口，成個組合都好清新，會食到每一個食材嘅味。 🌟 評分: 8/10 8. 蟹羔玉子燒 ($88) 玉子燒上菜仲係熱辣辣，表面有大量蟹籽，蛋味香濃有蛋汁，口感濕潤滑溜，中間有大量蟹羔醬，蟹羔醬同玉子燒味道好夾，好香濃蟹羔味。 🌟 評分: 8.5/10 9. 清酒煮蜆 ($88) 聞落好有酒香味，蜆份量好多有10隻左右，每一隻蜆都大大粒，好肥好飽滿，每一隻都冇沙，非常鮮甜。 🌟 評分: 8.5/10 10. 胡麻蕃茄沙律 ($78) 番茄上面鋪滿柴魚碎，有沙律菜墊底，而且好夠麻醬，番茄超級甜無草青味 ，食落爽口非常清新，非常開胃嘅小菜。 🌟 評分: 8.5/10 11. 前菜 ($10/碟) 蘿蔔牛舌粒，牛舌粒有好多粒，有少少七味粉調味好入味，口感好腍，白蘿蔔索晒醬汁，好惹味既一道前菜。 🌟 評分: 7/10 🎖️整體評分🎖️ ❤️ 味道: 8/10 🧡 環境: 8/10 💛 服務: 8/10 💙 性價比: 7/10 📍 禮 (打鼓嶺道) (九龍城) 九龍城打鼓嶺道79號地舖 #hkoverfood_九龍城

聽朋友講九龍城有間好好味嘅居酒屋，今日終於有時間同老公嚟試吓😊佢哋啲食物真係好用心去擺設，每一樣都好精緻👍而且環境都佈置得好靚好有日本氣息，好似去咗日本嘅本地餐廳咁 前菜 $10 裏面有紅蘿蔔，洋蔥，青瓜，牛肉粒，酸酸甜甜好開胃🤤，最意外嘅係牛肉粒喺軟淋淋👍👍 胡麻蕃茄沙律 $78 擺盤擺得好靚👍，啲蕃茄識落係好清甜多汁，配埋胡麻醬口感好豐富😋😋 金茹牛肉卷 $58 一碟入面有兩卷，份量好足，而且卷得好靚，好好味🤤 北海道南瓜 $28 燒嘅時間控制得好好，有焦香味但係唔會太燶🥳 秋葵 $28 有木魚鋪喺上面，令到口感層次提升 京蔥雞肉48 好足料，雞肉燒得好滑，配埋京蔥，唔使啖啖肉感油膩 南蠻炸雞$78 食落酸酸地，食唔出炸物嘅油膩感😍真係食唔停口 青森青提豚肉卷 $48 意想唔到個味道好夾，好juicy 富士蘋果煙肉卷$48 煙肉包住蘋果，識落好爽脆 清酒煮蜆 $88 啲蜆擺得好靚，好似一朵花感，重點喺啲蜆只只咁大粒，每粒都有肉！而且係無沙！好有誠意😇 蟹羔玉子燒 $88 又係食過返尋味嘅一碟餸，中間有超多蟹膏，配埋蟹籽，一流嘅享受😘😘 日式煎餃子$58 餃子皮好薄，真正外脆內軟，我哋好快就清左碟🤣 漬物三點$88 裏面有蒜頭，蘿蔔，牛蒡 。酸酸甜甜，做前菜一流😋😋 禮 Sake Bar Present 地址：九龍城打鼓嶺道79號

🔺 禮 (打鼓嶺道) 🔻金菇牛肉卷（$58) 一串兩件，比平時係出面叫既黎得大件，牛肉外面燒到脆脆地，入面金菇juice，再加埋面頭醬汁甜甜地好惹味。 🔻媽媽鹹蛋豬肉棒（$48) 豬肉棒紮實有口感，鹹蛋黃醬唔會好漏岩岩好。 🔻脆皮風鱔（$88) 燒鱔大舊厚肉，皮脆肉嫩。 🔻鹿兒島一口牛（$58) 一口牛牛味濃郁，就算有醬汁都掩蓋唔到個牛味。 🔻胡麻蕃茄沙律（$78) 蕃茄新鮮多汁厚肉，食落啖啖肉咁，加埋新鮮沙律菜感覺清新，解一解熱氣感。 🔻日式薯餅（$58) 薯餅餡creamy幼滑，食落唔會覺得好熱氣。 🔻清酒煮蜆（$88) 蜆肉大大粒新鮮冇沙。 🔻芝士玉子燒（$88) 玉子燒嫩滑多汁，中間帶有芝士但唔會搶阻蛋既香氣，而且煎得岩岩好夠熟。 🔻日式煎餃子（$58) 煎餃子普通，但調配個汁好出色，甜甜辣辣咁。 🔻唐揚炸雞（$78) 炸雞份量多又大件，炸到外皮脆卜卜，入面嫩肉多汁。