香港北角｜竜王居酒屋

左口魚邊火灸壽司, 真係冇得彈, 用火灸之後, 佢嘅油份半溶狀態, 入口即溶感覺, 魚香大爆發 另外三文魚火灸壽司, 亦都一樣, 將三文魚嘅油脂充分揮發出嚟, 令到aftertaste非常之強, 日本海膽流心忌廉餅, 外面非常之脆身, 一咬落去海膽creamy嘅成分大爆發, 真係極之滋味, 香甜幼滑嘅感覺, 真係甜入心 另外佢嘅芝麻雞翼, 炸得非常之香脆, 雞嘅皮非常之脆身, 而雞肉非常的juicy 另外就係龍皇卷, 賣相非常之勁, 個托盤非常駕勢, 有好多吞拿魚蓉, 再加蟹籽, 去再有鹹香嘅三文魚子, 口感非常之複雜

北角有好多野食，不過就成日諗唔到食乜啦。朋友鐘意食日本野所以今次黎到和富既竜王。@ 先黎一份日本海膽流心忌廉餅同炸軟殼蟹沙律，份量都係大㗎，味道唔錯。而日本蕃薯條配沖繩黑糖醬就又脆又好食，擺得又靚，朋友仔都拎起電話影呀。 一場黎到，又點少得居酒屋最令人期待既串燒？食左五花腩同雞翼，燒得好香，不過因為飽腹感唔算好高，冇全部試曬。牛舌係超厚身得黎唔硬。 至於壽司就食左竜王卷，左口魚邊火炙，同埋三文魚火炙壽司。全部都好高質，刺身夠鮮，而飯係特別有咬口。

< 近40款日式料理午市套餐 • 任君選擇 > 中午係北角食乜好？見到呢間日式居酒屋，高樓底🤩 座位闊落，寬敞嘅室內空間感令人好放鬆，於是決定入去坐低，食個lunch~ relax吓✨ 坐低先發現，呢度嘅午市套餐有近40款😲 有平有貴，總有款啱你心水😍 🎈料理長特選刺身丼 $238 彩色嘅刺身丼🌈 見到就開心！刺身材料新鮮，而且讓你一次試到8款刺身，滿足☺️ 丼飯係用赤醋壽司飯，令食起來更滋味。 🎈蒲燒鰻魚丼 $138 原條鰻魚好肥美呀！鰻魚肉質鮮嫩，唔錯唔錯，我都忍唔到要朋友share多件比我食😜 各款定食均附： 和風沙律、先付、炸餃子、野菜味噌湯