香港銅鑼灣｜Iwanami Japanese Restaurant

天婦羅水準高！ 十件天婦羅餐超值 經常會再追加

《銅鑼灣大滿足廚師發辦》 《岩浪天扶良日本料理》就在SOGO旁邊，主打廚師發辦omakase，另外亦提供a la carte menu可以單點。 刺身超新鮮，各有千秋；熟食也相當出色，喜愛omakase的你不妨來試試😛。 【🌟金 會席 ($1380)】⁣⁣ • 前菜：芝士焗花甲、水雲菜、漁籽蒸蛋 • 冷物：海膽金箔柚子汁腐皮🥰 • 刺身7点：拖羅、剝皮魚、石鯛、粒貝、秋刀、鮟鱇魚肝 • 碗物：蝦膠海藻湯 • 和食おすすめ：小柱蟹肉芡煮蘿蔔 • 天ぷら4点：沙甸魚、弓魚、蝦 • 寿司5貫：關鯖魚、海膽貝柱撈飯、其他魚類 • 甜品：柿、南瓜蛋糕、青提 ⁣⁣ ⭐️其他推薦菜式:⁣⁣⁣ 天扶良蝦餅飯 ($120) (✨✨✨必試!) 鹽燒喜知次 ($480) 七味炸雞翼 ($90)

「黑色眼睛，沿途與你有過一幀風景。」 每次享用日本料理既時侯，都會想像下自己 就係當地，細味每一份感覺，體會最濃厚既 地道風情。就係岩岩幾個月前重新裝修過既 「岩浪天扶良日本料理」以最傳統既和風藝術 格局，加上光猛開揚既L型壽司吧枱，完美演活 出氣派既角色。再配合師傅巧手工藝、創意獨家 料理，為每一位食客打開最觸目既序幕！👇 - 📌金 · Gold Course - $1380 👉首先要大讚佢呢個Course絕對唔姑寒， 食到既類別夠廣泛。可以品嚐到唔同口味， 以呢個價錢黎講，性價比相當高！ ♦前菜 - ▪ 魚子醬豆腐 · 汁煮蠔 · 合桃小女子 ▫ 三款前菜各有特色，左面用上最矜貴既 魚子醬配上金黃搶眼既豆腐，口感細膩； 中間既汁煮蠔賣相肥大飽滿脹卜卜， 食落有少少似港式既髮菜蠔豉，有驚喜； 最右面既合桃小女子其實其實係經煮過魚乾， 連埋合桃一齊食，甜與之間互相補給，幾惹味。 - ♦冷物 - ▪ 毛蟹啫喱 · 海膽 ▫ 第二道菜稱之為冷物，其實係我地叫開既冷盤， 一般係前菜之後。呢款冷物意思就係前菜之後冷盤， 啫喱用上酸汁製成，夾雜左毛蟹既蟹肉，感覺幾清甜； 另外面頭上既海膽將成道菜做到畫龍點晴既功效， 海水味十足，相當鮮甜！ - ▪ 刺身7點 - ▫ 輪到最期待既刺身環節，排名不分先後 試左7款唔同種類既魚類。太刀魚入口清甜， 脂肪部位唔算多，薄切岩岩好；八角魚鮮味濃郁， 有少少似油甘魚既質感；深海池魚食到輕輕既油香， 魚脂味好重；目一鯛都係第一次試，口感爽身 又夠彈性，平時真係無乜機會試到；大拖羅睇落 色澤均勻，肥美，油脂味重就梗咖啦，絕對係我最愛； 北寄貝同大溝貝兩者其實我食唔出太大分別， 不過前者相對比較爽口滑身，相當新鮮！ - ♦椀物 - ▪ 白金鯛紙鍋 ▫ 白金鯛原來相當名貴既淡水魚，色澤帶白銀色， 入口果陣仲會食到粒粒魚鱗，我以為師傅刮得唔乾淨， 事後先知原來我諗得太天真啦！事關佢既魚鱗係食得既。 用左紙鍋爐煮到每塊鯛魚肉夠哂入味，肉質鮮嫩又清甜， 飲埋個湯非常滿足。 - ♦和食 - ▪ 汁煮和牛面頰肉 - $188 ▫ 和食黎講，和牛一定係最熱門之一，首先大廚 用上最嫩滑既部位面頰肉去熬製而成。肉質吸收哂 自家製醬汁，口感嫩滑，入口做到岩岩好融化 果種感覺，配合濃郁既牛香味完全將我味蕾KO呀！ - ▪ 蟹肉蒸蛋 - $100 ▫ 第二道和食必定要試既蟹肉蒸蛋，一黎到果陣 已經見到滿滿既蟹肉鋪滿哂成個碗，份量比到足。 而蒸蛋質感滑溜，上面仲擺放左幾塊海膽， 用色襯到絕。成件事好睇又好食，岩哂我。 - ▪ 汁煮目鯛 - $188 ▫ 呢種深海既白身魚，食法除左刺身當然 唔少得汁煮啦。而今次呢個食得過啖啖魚香， 肉質飽滿又夠結實，鹹甜適中唔會太over。 魚肉吸收哂醬汁既顏色，所以睇落會深色少少 同埋濃味，如果有碗白飯就正啦。 - ▪ 天扶良炸蝦餅飯 - $120 ▫ 傳統既蝦餅原來裡而係有流心既蛋黃！ 夠哂金黃搶眼，成個入口食落夠煙韌彈牙。 雖然係炸物，但成個飯配埋醬汁食落唔會話 好乾身，相當好食！ - ▪ 天婦羅3點 - ▫ 話明主打天婦羅，點少得佢份呀？呢個紫蘇葉 白飯魚睇落細細條，但食落好夠脆口又有鹹香味， 唔錯；炸鮑魚真係咁大個仔第一次試，炸得通透， 入口非常軟腍，佢地用既炸粉好薄，所以份外香脆； 花竹蝦連蝦頭都炸埋比我地，蝦肉爽口，裡面仲保留 到蝦膏，滋味無窮。Staff分別提醒我地用白鹽或 咖哩鹽就用黎點海鮮，蘿蔔蓉、天婦羅汁用黎 點蔬菜咁就最夾咖啦！ - ▪ 壽司3貫 - ▫ 最後有3款壽司比你品嘗一下平時好少食到既 組合，以紫蘇葉花同竹炭鹽包住既墨魚，多重口感， 食到哂成個層次；以昆布漬蓋住既醋青魚， 鹹酸度唔算太濃，蓋過左青魚本身既腥味， 幾好食；馬糞海膽撈日本貝柱飯夠哂重量級， 每啖海膽與飯粒之間都加左象拔蚌，口感豐富。 而鮮味係非常非常濃，鮮甜到不得了， 呢個一定係最想佢encore！ - ♦甜品 - ▪ 日本蘋果 · 哈蜜瓜 · 朱古力幕斯 ▫ 食埋個靚仔甜品，就完美終結今餐咁豐富既 Omakase。用既擺盤精緻，有日本直送哈蜜瓜同蘋果， 清甜多汁又解膩。中間既自家製朱古力Mousse 做到質感好幼滑，整體呢一餐非常滿足。