香港銅鑼灣｜Kanizen 蟹膳

Wheeee (｡･ω･｡)ﾉ٩(˃̶͈̀௰˂̶͈́)و 【一蟹幾味　頂級滋味】 今次同大家介紹嘅係我哋食過最好食嘅全蟹宴🦀🦀🦀今次係佢搬咗之後第一次去食，但佢哋依然能夠保持水準，值得一讚🥳而雖然呢間餐廳都唔算平，但我哋都一致覺得係抵食之選！真係捧住個肚出嚟嗰隻！ ～我是Menu～ 鱈場蟹特上行政套餐　午市$720/位 //北海道海膽蟹肉栗米凍湯// 作為頭盤，呢個湯成功令我哋對呢餐充滿期待。清甜嘅粟米湯再加上絲絲嘅蟹肉，最緊要係佢入面仲有細細粒海膽，味道甜而不膩，可惜真係得一杯，如果唔係我多多都飲🥲 //燒鱈場蟹// 我哋就一人揀咗一份頭盤，佢係其中一款。一咬落去就真係覺得無嗌錯，啖啖肉得嚟又好有鮮味😋特別在佢除咗碟上面有檸檬之外，仲有蟹醋等等可以點，真係估唔到頭盤已經可以食到咁多唔同嘅味！ //鱈場蟹天婦羅拼盤// 至於另一半嘅蟹腳同蟹鉗就用咗嚟做天婦羅，喺未講隻蟹之前就一定要講佢嘅蛋，好食之餘，佢係流心㗎🥚至於啲蟹就炸得啱啱好，完全唔厚粉得嚟又鎖到佢啲肉汁，而天婦羅汁亦都唔會太咸🥸 //鱈場蟹火鍋// 食完頭盤之後就到火鍋啦，佢哋係用紙火鍋Serve嘅，入面裝住嘅係清湯。剩低嘅蟹身同蟹腳就可以用清湯烚煮，咁煮法可以食到最純粹嘅蟹味得嚟，又可以用唔同嘅調味去調整想食嘅味道，可以話一舉多得🤩而佢嘅清菜都好好食，可以話係平衡返頭先前菜嘅油膩感。另外佢哋仲有蟹肉餃子，一咬入去，啲蟹肉就咇曬出嚟，非常足料🤓 //雜燴粥// 成個套餐嘅高峰就係呢碗粥，打完邊爐之後，佢哋就有專人落米煮粥，同時佢哋亦會將個蟹蓋連蟹膏落曬去，可以話係一滴都無浪費。我哋仲可以自己揀稀稠度，而我哋就㨂咗要杰身啲，食落去啖啖米香同蟹膏香，真係正到想食多碗☺️ //甜品// 最後嘅甜品我哋就分別揀咗咖啡味雪糕同薑味雪糕，兩者都恰到好處。前者有埋咖啡凍粒粒喺入面，好有咬口；後者就有薑味之餘又唔會太辣。作為點綴，用呢兩球雪糕收尾真係畫龍點睛🤩 大家去食的話，極力推薦大家揀薑味，有stunning嘅感覺！ ～評分～ (5分滿分） 環境：🦦🦦🦦🦦🦦 食物：🍯🍯🍯🍯🍯 服務：🐻🐻🐻🐻🐻 總分：💛💛💛💛💛 ٩(˃̶͈̀௰˂̶͈́)و：佢喺舊舖嗰啲裝修都保留得幾好，一入去嘅蟹池同埋枱面嗰兜蟹仔都仍然喺度，唔食得都睇得🦀 (｡･ω･｡)ﾉ：希望枱面啲蟹唔知道我哋食緊佢哋嘅同類啦😂 同另一半嚟慶祝紀念日或者生日都正☺️ （仲記得我哋影低個menu嗰陣，有staff見到即刻話可以send哂lunch同dinner menu俾我哋，超細心，服務一流！） 地址： 蟹膳 (銅鑼灣) 銅鑼灣希慎道33號利園一期1樓105號舖 Ig: @kwanfoodies

非常好味! 一次過品嘗到用不同烹調方法嘅日本蟹嘅鮮甜。 有多個不同價錢的套餐可以選擇，性價比高。另外，店員對蟹嘅品種，特性和烹調方法嘅講解都好清楚，令人吃得很愉快滿足! ^.^

獨自去食lunch，有兩款set lunch,我叫左天婦羅set，蟹肉新鮮，蛋黃天婦羅有驚喜，另外有塊葉包住啖啖蟹肉再加啲綠茶粉又超好味，蒸蛋就一般，就係蟹味還蟹味，蛋就無乜味，本身expect緊會互相輝映，少少失望。有雜菜火鍋，可以填肚，味道唔濃烈反而可以帶出食材嘅鮮味，另外甜品可選薑味或者咖啡味雪糕，咖啡味都好好味。 網上見到有人話貴。貴，唔係咁衡量。呢間俾咁多錢就值咁多味道，所以個人認為係值嘅。價錢同食材味道唔成正比，果啲先叫貴。