香港銅鑼灣｜鮨金 Sushi Kin

🤩留港食Omakase都有希望 0+3實施後，都未有去旅行嘅打算，只有留港食廚師發辦。 🥢前菜：蟹肉餅、汁煮東風螺、海老芋頭和蟹肉蒸蛋，依一依個肚仔先。 🌟一品料理 鹽燒子持香魚，魚皮燒香，裏面魚肉鮮，魚春滿瀉甘香，雖然都幾多骨，不知不覺成條魚食哂。 🥣自家製鯛魚湯 魚湯味道濃烈，唔會腥。 ⭐️江戶前玉子燒，口感似海綿蛋糕，皮甜甜地，中間有鹹鮮味。 🍣壽司🍣 1️⃣真鯛，最面有點蘿蔔蓉，味道較淡口，質地很滑。 2️⃣間八魚，芝麻很香，口感較黏。 3️⃣深海池魚，魚味較濃，油分豐富。 4️⃣金目鯛，魚皮橙紅。 5️⃣生八爪魚，軟淋；食到八爪魚吸盤，好鮮味。 6️⃣石垣貝，有啲爽口又有啲淋滑。 7️⃣秋刀魚，秋刀魚會有少少腥味，薑蔥出奇地減輕左個股味。 8️⃣銀雪魚，外表燒香，魚油充足，魚肉滑。 9️⃣拖羅，入口即融，油分甘香無筋。 🔟海膽，海膽爆滿，仲要鋪滿幾層，鮮甜美味。 餐後仲有甜美的🍈蜜瓜和提子。 😄冇去旅行唔會失望，留港食Omakasea都有希望。

相識紀念日，定好枱食Omakase，這晚來到銅鑼灣開平道食廈 Cubus的『鮨金』晚膳，餐廳的金漆招牌好金呀～～😍 室內貫徹金碧輝煌的日式設計風格， 座位簡約又舒適。😆 經理介紹『鮨金』除主打Omakase 外， 也引入日本不同產地的最優等和牛， 所以我們決定點2 個套餐， 分別是廚師發辦 <彩霞> 和＜茶梅＞， 一次滿足兩個願望。🥂😊 廚師發辦 - 彩霞 $1680/位 🎯前菜：蝦夷螺 ＞粟米凍 ＞ 水雲 ✳️ 粟米凍最特別，入口即溶， 好似飲緊栗米湯。❣️ ✳️水雲都唔錯，有三文魚籽同山芋蓉， 酸酸甜甜好開胃。❣️ 🎯刺身拼盤：伊勢海老 ＞ 石垣鯛 響螺 ＞ 油甘魚 ✳️薄切石垣鯛，好爽口。👑 ✳️響螺，口感爽脆又彈牙，好鮮味 ！！👑 ✳️龍蝦，肉質透亮有彈性，正正正！！！👑 🎯鹽水海膽，有金箔玫瑰好靚靚，超鮮甜。👑 🎯刺身拼盤：金目鯛 ＞ 池魚配三星漬 梳子魚 ＞ 左口魚海膽卷 ✳️金目鯛， 色澤紅潤，香滑夠厚度。🐳 ✳️池魚，肉質細膩甘香，令人齒頰留香。 🐳 ✳️梳子魚，炙燒過，帶些微焦香脆口。🐳 ✳️海膽卷，左口魚薄切，透亮清鮮， 海膽份量多，唯開始溶化及微腥。🐳 🎯極品拖羅，配金箔魚子醬， 油脂甘香，入口即溶。❣️ 🎯壽司＋卷物 6貫 ： 赤身 ＞ 喜之次 ＞ 赤貝 赤睦魚 ＞ 銀鱈魚 ＞ 黃瓜卷 ✳️喜之次， 肉質晶瑩透亮， 嫩滑又爽甜， 油脂豐富，完全無腥味。🥳 ✳️赤鯥魚，魚皮輕炙燒過，入口即溶。🥳 ✳️銀鱈魚，刺身級別，柚子胡椒帶微辣， 鮮甜且入口即溶。🥳 🎯燒吞拿魚下巴， 香噴噴， 肉厚嫩滑， 骨位仲燒到脆卜卜添 ！🥳 另外又點了和牛～～ 🎯廚師發辦 - 茶梅 $1080/位 整個套餐都是A4，A5 頂級日本和牛， 仲有安格斯牛小排坐鎮，有圖有真相， 和牛色澤粉紅，霜降飛花，油花細密， 真係好想快d 再去一次 ！！！💓 重點： 先食和牛，再食蔬菜 ！！！ 套餐有6 款唔同地方的和牛，每款都柔軟嫩滑，原本想試真d 邊款最美味, 但真係每款都好驚喜，油香四溢，個人認為A5 的飛驒牛是當中的表表者， 無論油花， 軟滑度，牛味方面都非常出眾，做到入口即溶既效果。💛 把和牛輕滾幾秒，沾上醬油同食，肉質好柔嫩，入口慢慢融化，煮完牛肉，成煲湯甜到不得了，再煮蔬菜和讚岐烏冬，很讚。💛 在『鮨金』過了一個好開心放鬆的夜晚，整體在服務和食物方面都頗高質素，鹽水海膽和極品拖羅尤為出色，和牛也令人垂涎三尺， 總括來說，所有紀念日，我都想來鮨金慶祝。😍😍😍

優質廚師發辦 平時忙碌的人，閒時不妨花點時間奬勵自己，吃餐優質日本料理。Omakase「廚師發辦」必屬首選，從頭到尾由食材、配搭及次序，全都由大廚決定，客人只需安坐享用，這種對大廚百分百信任的料理，算是品嚐日本料理的最高境界。 今天晚上和朋友來到銅鑼灣一間頗負盛名的廚師發辦專門店「鮨金」晚膳。店鋪佈置華麗，地方寬敞，實屬閒談聚餐的好地方。 先來杯冰凍啤酒，前菜三小碟，海螺鮮甜爽脆、芝麻豆腐嫩滑。 三文魚子溫泉蛋 - 滑溜的蛋漿遇上柔滑的三文魚子，相當滋味。 左口魚刺身 - 每片刺身都晶瑩剔透，入口先覺魚味清淡，隨後魚油之甘香慢慢散發，配以酸汁和紫蘇花朵同吃，特別香口。 馬糞海膽 - 來自北海道的馬糞海膽，顏色艷麗，新鮮無腥味，幼滑鮮甜。 刺身四款 - 深海池魚肥美，魚油甘香，龍蝦刺身爽口彈牙，非常鮮甜。 白粟米配八爪魚 - 慢煑八爪魚火候夠，相當軟滑入味，北海道白粟米非常清甜。 拖羅、銀鱈魚和鮑魚都是優質食材，看見已令人垂涎欲滴。 壽司六貫 ： 喜之次 - 肉質細緻，非常鮮美，此魚在日本地位相當高，與河豚、鮟鱇並稱日本三大魚。 魷魚 - 入口鮮甜，有嚼勁。 吞拿赤身 - 呈鮮紅色，由於脂肪含量少，肉質較結實，但鮮味十足。 赤貝 - 呈橙色，鮮甜爽口。 鯖魚 - 肥美甘香 和牛sabu sabu - 多種和牛切片，包括飛驒牛、熊本、佐賀和鹿兒島，配以新鮮菇類和蔬菜，最後還有生果奉送，能品嚐如此豐盛的美食，人生幾何！