香港長沙灣｜鰹烏冬 (長沙灣)

烏冬係自家制 夠彈牙 上菜都好快 職員友善

人氣烏冬真係好多人排隊，上次趕時間排唔切。今次weekend去，要排多過20分鐘先食到。鰹烏冬堅持每日新鮮製作手打烏冬，比較特別嘅係，佢哋網站上面寫有提供讚岐烏冬製作體驗班，仲可以買埋製作烏冬嘅用具返屋企自己打，都幾得意😛。 🍜 原味竹簾烏冬(冷) $46 要試出烏冬最完美嘅口感，當然係凍食就食到最真嘅味道。凍食嘅原味烏冬非常彈牙，煙煙韌韌之餘，亦都係超級滑，真係口感一流👍🏻。配料有蔥、芝麻同芥末，配埋冷烏冬醬油汁真係好香，簡簡單單就食到原汁原味嘅手打烏冬。呢種口感同味道真係出面比較少有，非常有日本地道嘅風味，值得排隊一試。 👅評分：9/10 🍜 鰹魚半湯烏冬(熱) $46 相比起冷烏冬，熱食嘅湯烏冬就冇咁彈牙，不過依然係煙韌有咬口。半湯烏冬即係少湯，大概只能夠浸到一半嘅烏冬。鰹魚湯底味道拿捏得剛剛好，唔會搶走烏冬本來嘅味道，但令到啲烏冬有些少掛汁就更濕潤。烏冬熱辣辣咁食真係好正，熱食體驗到嘅又係另一種風味，熱冷兩食各有特色，唯一共同點係兩者都好好味🤤。 👅評分：9/10 🍗 骨付雞 $44 睇其他foodie介紹先知原來骨付雞就係有骨頭嘅雞髀🍗咁解，見人人都推介，咁我哋都叫咗嚟試，果然冇介紹錯。雞髀香煎表皮帶有焦香，灑滿七味粉令成隻雞髀香味再昇華一級😍。雞髀肉超級軟嫩，雞皮唔會肥，非常入味。食到最後會覺得有點點太鹹，不過連埋烏冬一齊食就啱啱好。 👅評分：9/10 follow我嘅Instagram睇更多review啊！@hea9foodie

原來淨係冷烏冬，湯汁都可以有咁多選擇😆😆😆 三魚籽醬油偏咸，比較濃味。 鰹魚半湯反而比較清淡。 烏冬質地有咬口，好彈牙！ 天婦羅也炸得不錯。個人更喜歡天婦羅炸雞，因為真係好大件，好鬼脆。👍🏻👍🏻👍🏻 另外仲叫咗關東煮！因為暫時冇得去旅行，冇得食日本便利店的關東煮🍢 實在好需要回味一下！ 呢個同日本一樣，係好好食！