香港荃灣｜Kokon2 (Citywalk)

對於日本菜，真係零抗拒😂 我地2公婆真係好鐘意食日本菜🍣 呢間食店改D食物名好得意😝 1. 蜘蛛 $96 呢款卷物裡面有炸軟殼蟹，牛油果，青瓜同埋蟹柳～ 香脆嘅軟殼蟹配上絲滑嘅牛油果，口感豐富！ 2. 龍卷風沙律 $76 裡面有蔬菜，蟹柳，海藻同埋脆片～ 呢款沙律拎到埋黎見到都O哂咀，好大碗呀！！ 睇落以為平平無奇，但係淨係個擺盤都相當有層次，而且加左秘制辣汁，食落有驚喜，而且好醒胃，作為前菜一流！ 3. 煙花 $79 壽司係用上辣味三文魚，辣味吞拿魚及脆片～ 壽司飯上加左芝麻，非常香口～加埋脆片係口中猶豫煙花般爆發，口感好特別！ 4. 清酒煮蜆 $128 D蜆好新鮮又大隻，而且又無沙！ 用清酒及牛油煮係絕配！而且仲有少量菇，吸哂呢個湯汁嘅味道，非常鮮甜！

🥗龍捲風沙律 $76 呢個龍捲風沙律分量十足，有勁多蟹柳絲，仲有中華沙律，生菜同海藻，配上沙律醬同少少照燒汁，味道真係特別開胃！🤤 🐮埼玉網燒牛舌 $78 呢個網燒牛舌相當出色，餐廳將牛舌燒到啲油脂出晒嚟，牛嘅香味好出，而且燒得啱啱好，肉質勁嫩滑，咬落有質感，仲幾Juicy！ 🥚自家玉子燒 $55 自家玉子燒好滑好嫩，甜度啱啱好，而且每一啖都食到佢嘅蛋香味😄。 🍣火焰金龍卷 $98 金龍卷係幾特別嘅卷物，有三文魚炸蝦同芝士，口感非常之豐富。小編特別欣賞佢嘅炸蝦🍤，炸得十分之香脆，外脆內軟嘅口感真係令人食唔停口！ 🍣煙花 $79 呢個特色卷物個名真係好靚，所以就叫咗個嚟試吓😙。煙花即係辣味吞拿魚蓉、辣味三文魚、蟹籽同埋脆片組成，雖然餐牌上面寫明係辣味三文魚同吞拿魚，但其實唔算好辣，就算唔食辣嘅朋友都食得到！而且少少辣仲多左啲惹味添😋

[✨高質有創意嘅日式料理🍣] #古今二 #荃灣 #荃新天地 🌸龍卷風沙律 - $76 有驚喜嘅一份沙律🥗，份量好大份之餘，蔬菜新鮮唔洗講，仲配上好多蟹籽、蟹柳絲同少有嘅海草，令到口感層次好豐富，開胃得黎又健康，作為頭盤小食絕對係不二之選😍💗 🌸金龍卷 - $98 (必食推介🌟) 賣相美觀非常吸引🤩炸蝦配上三文魚，外軟內脆，再加上沙律醬同芝士，成件事配合得好好，口感同味道都係唔錯👍🏻💫 🌸煙花🎇 (6件) - $79 個名已經夠哂特別，上面有一團吞拿魚粒，灑上少少魚籽同脆片，吞拿魚粒仿扮煙花嘅煙，魚籽同脆片就係煙花嘅火光😍的確係幾有心思。壽司入面就包左三文魚粒，睇得又食得😙💕 🌸櫻花蝦茄子燒 - $68 茄子燒係熱騰騰咁上枱，上面有大量嘅櫻花蝦，一上枱就聞到好香嘅櫻花蝦味。食落去亦有淡淡嘅咸香，感覺配搭得好好，連少食茄子嘅朋友都忍唔住試多幾口🤫 🌸自家玉子燒🐣 (6件) - $55 精緻嘅玉子燒，玉子食落去甜甜的，配上沙律醬同少量魚籽，水準高，鐘意食玉子嘅可以試下🥰 ————————♡♡♡♡♡♡———————— ✨總結 食物質素高，而且好足料，簡簡單單嘅一份菜式都比盡心思，不論係配料同配搭上面😊餐廳環境舒服而且店員嘅服務態度都好好，值得推薦比鐘意食日本嘢嘅朋友🫶🏻💞 📍古今二 (荃新天地) 🏠荃灣楊屋道1號荃新天地1樓116號舖 #jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #荃灣 #荃灣美食 #荃灣好去處 #荃灣食好西 #荃灣餐廳 #荃新天地 #古今二 #古今二荃灣店