香港葵涌｜Ebisu Japanese Restaurant

【葵廣附近。🇯🇵日本食堂😋】 比我晌葵芳搵到間高質日本食堂 就晌葵廣條天橋隔離棟新大廈內 哩度有好多唔同類型嘅野食 壽司🍣、刺身、丼飯、定食... 而且哩度空間寬躺 好乾淨 啲位都幾闊落 坐得舒服！ 同埋想讚吓哩度嘅店員好nice 👍🏻 會細心地提我小心衫袖整到啲嘢食 食飽後又會叫我哋飲杯茶坐下 同埋我見到壽司師傅唔忙時會抺廚具 感覺好乾淨衛生👍🏻👍🏻 以後去葵芳食飯又多個選擇啦 今次分別叫左2個午市套餐同小食： 🔸特上壽司配烏冬定食（$108） 壽司即叫即整，定食入面有幾款唔同嘅壽司，岩哂心大心細樣樣都想食嘅我，而且啲魚又新鮮，幾高質！定食還有胡麻醬沙律、烏冬。烏冬好煙韌彈牙，豬骨湯底濃厚，仲有啲昆布。成個set都幾大份，男仔食都夠飽！ 🔸燒鰻魚丼定食（$108） 燒鰻魚飯係用熱辣辣嘅石窩上，所以個底係有飯焦架😍！鰻魚燒得香口又肥美，媽媽話好好食😋，我試咗一啖鰻魚連脆脆飯焦食，好正！而個醬汁係另上，加多加少可以自己控制。定食有麵豉湯、泡菜、胡麻沙律，豐富！ 🔸三文魚刺身（$30） 刺身又大件又厚身，新鮮唔腥，唔錯呀！

串燒/壽司大滿足！ 葵芳想揀一間坐得舒服既日式居酒屋比較少，這間新開的正合我心意 門面裝修新淨，魚畫圖案夠搶眼，最喜歡可以坐卡位，夠闊落舒服 有sushi bar 枱，可以貼近欣賞壽司師傅即場製作 Menu 選擇多，有套餐，亦有散叫 先點散件手握壽司 金目鯛壽司，深海池魚壽司，吞拿魚小卷 等等，每件夠新鮮 燒明太子飯團 雖然燒得不夠焦香，但明太子十分足料，加回不少分 雞盛合（雞串燒) - 雞翼，雞腿肉，免治雞肉，雞胸軟骨, 雞膝軟骨, 共5串 每串燒得夠香口，尤其是雞膝軟骨，爽脆惹味，雞腿肉夠嫩滑 燒青椒仔 朋友至愛 燒油甘魚鮫 燒得恰到好處，香口，油甘魚滲出魚油香，魚肉肥美嫩滑 最後服務員好貼心問我地食得飽唔飽，如果不夠還可以推介一兩款壽司，真細心 串燒/壽司都令我食得滋味，除了燒飯團有待改善外，這間居酒屋是真心值得誠意推介

與朋友相約賞花與午餐，朋友推介新張有九折優惠的日式料理，店舖在一樓，環境寬敞整潔，招呼週到。 我們的午餐，牛肉拉麵、燒和牛溫泉玉子丼、炸雞三件。 小食炸雞~~ 熱騰騰又脆卜卜的炸雞件，雞肉嫩滑有肉汁，開胃又滿足！ 燒和牛溫泉玉子丼~~ 和牛肉質軟嫩與特製醬汁配合得很美味可口，溫泉蛋，蛋白部分呈滑溜溜的半凝固可愛型態，溫泉蛋淘在飯吃香又滑，石鍋飯除了非常保温還有脆脆飯焦。 牛肉拉麵~~ 軟滑的牛肉薄片，透出濃濃的肉香與肉鮮味道，原汁原味，十分滋味爽口彈牙的拉麵，掛著香濃豬骨湯吃，別具風味。