香港灣仔｜Showa Shokudo

從門面就已經好吸引，入到裡面感覺好似真係去左日本嘅居酒屋咁。牆上佈滿唔少日本廣告同橫幅，播住日文歌，勁有Feel! -昭和刺身盛盒$398 盛盒有蝦、帶子、 三文魚、海膽同三文魚籽，每款都好新鮮，師傅將刺身切成細塊，用意係令我地可以將刺身，用紫菜包埋啲飯一齊食！ -半生熟牛肉$108 初初以為會好血淋淋，但其實一啲都唔係，半生熟令牛肉保持到鮮嫩。即使牛肉有醬汁調配，但牛味全完唔會被蓋過。 -蕃茄三杯酢$58 呢道都係冷盤，炎炎夏日食就最適合不過，蕃茄用醋浸住，可能有啲人會擔心本身蕃茄都帶有微酸，再加埋醋咪好酸。請放心，酸度非常適中！ 之後嗰幾樣，送酒必叫！ -炸海鰻魚骨$68 鰻魚就食得多，炸鰻魚骨真係第一次食，非常香脆，而且細細條，食幾多都得！ -雞掌心$32、雞蠔肉$65、雞肉棒$32 雞掌心食落似雞軟骨，但比雞軟骨再爽口啲！ 雞蠔肉同雞肉棒肉質都好嫩！

今日約左朋友6點F鐘晚飯， 咁鬼早都未肚餓， 食少少就夠啦。 鰹魚湯煮羅白 - 羅白吸收哂鰹魚湯嘅精華， 入口超林， 好食。 半生熟牛肉 - 半生熟牛肉配上汁醬， 惹味非常， 夾埋洋蔥食重爽。 吞拿魚鰹魚餅 - 吞拿魚蓉超多， 配上餅乾， 出奇匹配。 炸雞皮餃子 - 外脆內軟， 香脆雞皮包住餃子， 雞皮油份由豬肉中和返， 唔會太油。 燒三文魚魚籽沙律 - 燒三文魚好大塊又厚切， 入口油份充足， 魚籽勁多， 咬入口卜卜聲， 感覺超爽。 雞翼串燒， 燒洋蔥， 雞肉串燒都燒得好香好惹味， 由其雞翼皮香脆可口， 好似食薯片一樣。

位於銅鑼灣一間非常有日本風情嘅昭和食堂，超級推薦俾大家👍 首先上既前菜-炸北海道魷魚絲 第一次是魷魚絲用呢種食法，出奇地好味，攞嚟送酒一流👍👍 之後係昭和剌身盛合，每一件刺身都非常新鮮，仲配埋紫菜俾食客自己混合🍱🍱 半生熟牛肉係畫龍點睛之選，好惹味😋😋😋😋 最重要係佢嘅餐廳裝修得非常靚，每次都見到心思滿滿，好多日本特有嘅裝飾，喺度食飯就好似置身於日本嘅居酒屋一樣😃😃 地址：昭和食堂 (灣仔) 灣仔謝斐道391-407號新時代中心地下A號舖