香港銅鑼灣｜Shika Teppanyaki & Sushi

一直以來鍾意吃日式鐵板燒，就是欣賞味道與視角的享受。今日來到銅鑼灣的鉄人旨花，師傳運用精湛廚藝，不單止帶來美味佳餚、還有如fine dining 的擺盤，為我帶來新的鐵板燒體驗 點選龍蝦鐵板燒 二人前 前菜 龍蝦福袋 腐皮做成的福袋，裏面釀入龍蝦滑，用上龍蝦汁煨煮，口感爽滑彈牙，味道份外清甜，以這個手功菜揭開鐵板燒的序幕 沙律 青瓜絲拌藜麥，清新開胃 汁煮白鱈魚 先將魚皮放在鐵板上，稍煎一會就把魚皮同魚肉分離。師傅一邊把魚皮煎成脆片，另一邊用蒜蓉洋蔥汁煮熟白鱈魚肉。建議先吃魚皮脆片，再吃嫩滑的魚肉，這樣就可以吃出兩種不同口感 龍蝦配海膽汁 選取體重較大的西澳龍蝦，份量特別多。師傅把活龍蝦放上鐵板，手起刀落輕易將龍蝦肉起出。香煎過的龍蝦肉鮮甜彈牙，上碟前師傅淋上龍蝦羔海膽汁調味，使原本鮮味的龍蝦更加鮮甜 季節料理 蒜蓉炒天白菇 用菇中極品天白花菇，菇香濃郁，厚實細嫩，簡單用上蒜蓉已經好美味 日本產A5黑毛和牛 A5和牛油花分明，牛味師傅煎至5成熟，肉質依然軟腍，有入口即溶感覺。師傅配搭出車厘子紅酒汁、鹽、wasabi、炸蒜片加燒汁等不同醬汁和調味料，可按個人喜好選擇。我就喜歡炸蒜片不加任何醬汁，簡單直接吃出和牛味道 雞髀菇蝦仁湯 雞髀菇、蝦仁加雞湯餚煮，入口不覺油膩，味道格外鮮甜 炒飯用上日本米、日本雞蛋加蔥花蒜蓉等配菜，粒粒分明，乾身不油膩。不要以為只是簡單一個炒飯，個人覺得炒飯是吃鐵板燒最精彩的環節，一舉手一投足，總是令人賞心悅目 甜品 有靜岡蜜瓜和日本來的抹茶雪糕，連甜品都用到最高的等級，可想而知會幾好味

人氣龍蝦鐵板燒🦞 鉄人旨花有分為鐵板燒或者omakase ，我今次就食左鐵板燒雖然係平日夜晚，但係都差不多坐滿晒，好受歡迎👏🏼 龍蝦鐵板燒二人前$2380/兩位，呢個套餐好豐富，包含：前菜、沙律、汁煮白鱈魚、龍蝦配海膽汁、季節料理、熊本縣產 A5 和王牛、炒飯、雞湯及甜品，份量一啲都唔少勁豐盛，超級飽！鐵板燒來說性價比好高～ 前菜係酒浸日本乾鮑，鮑魚醬香十足好入味，而且夠晒軟淋唔會靭，仲帶有微微嘅酒香～ 合桃藜麥沙律🥗 醬汁酸酸甜甜好開胃，入面有各款沙律菜、青瓜、藜麥同埋合桃。 之後鐵板燒嘅部份就開始了！師傅工架十足，每一個處理食物嘅步驟都好似表演咁～ 汁煮白鱈魚 師傅煎到厚切白鱈魚四面金黃，魚皮好似薯片咁香脆！魚肉柔軟嫩滑，外面又煎得好香～再淋上日式洋蔥甜汁，口味好豐富！ 龍蝦配海膽汁 新鮮龍蝦仲郁郁下，比起外面其他餐廳大隻好多！師傅煎香拆肉，再淋上海膽醬，再加上食用花，擺盤好精緻～龍蝦肉質爽口彈牙，煎得恰到好處配上海膽醬同埋紫蘇花真係三重滋味～ 熊本縣產 A5 和王牛 油脂分布均勻，入口即溶，牛味濃郁，可以自己選擇幾多成熟，配搭香脆蒜片同埋紅酒汁、酸汁等等配料，口味更有層次！ 炒飯粒粒分明，夠乾身，而且採用日本米，咬落特別有嚼勁～雞湯顏色透明，萃取雞入邊嘅精華，入面仲有鮮蝦同埋蘑菇，清清地好解膩。 甜品選擇有豆腐雪糕、綠茶雪糕、熊本蜜瓜及柚子雪葩。今晚食咗咁多唔同嘅食物，甜品我就揀咗柚子雪葩，清爽消滯，為呢餐美味嘅鐵板燒畫上完美嘅句號！

【銅鑼灣高質鐵板燒】 中秋節食咩好？ 我哋就揀咗位於銅鑼灣” 鉄人旨花“ 有廚師發板或鐵板燒 咁我哋就揀咗試鐵板燒 整個用餐體驗非常高質 必定會回訪嘅餐廳 ✦ 酸汁合桃藜麥沙律 前菜先食一款健康又清新嘅沙律，酸酸甜甜，好開胃✨ ✦ 酒製日本乾鮑 前菜第二款係一口酒製日本乾鮑，口感軟熟 ✦ 汁煮白鱸魚 賣相好精緻嘅白鱸魚，配洋蔥蒜蓉汁，仲有一塊脆炸魚皮。特別一讚白鱸魚嘅魚肉非常白滑又嫩口👍🏻 ✦ 龍蝦配海膽汁 好彈牙又鮮甜嘅龍蝦🦞配海膽汁，將鮮味提升到另一個層次，好出色 ✦ 蒜蓉炒日本天白菇 食完兩款主食，就嚟到食一款輕食蔬菜「日本天白菇」有少少似平時食嘅大啡菇，但菇味相對較濃郁 ✦ 熊本縣產A5和牛王 重點來啦！我哋期待已久嘅A5和牛！ 主廚會詢問我哋和牛熟透度～我就揀咗5成熟～而友人就揀咗3成熟！ 和牛極juicy😋入口即溶簡直係秒清 呢款和牛有四款食法 第一款係原味，不沾任何醬汁，牛香極重 第二款係沾岩鹽 第三款係用wasabi+蒜片+特製酸汁 Wasabi可以減輕和牛肥膩感 同時間有一種食緊刺身嘅感覺 第四款係車厘子紅酒汁，呢款最令我哋驚豔，和牛配呢款相對清甜醬汁，一樣好夾，為我哋帶來味覺上嘅震撼 ✦ 日式炒飯 飯粒採用珍珠米，粒粒分明，好有穫氣 ✦ 甜品 第一款時季水果-日本哈密瓜，極清甜 第二款甜品揀咗豆腐雪糕，極香滑又豆味濃郁 下次回訪要試埋廚師發板🤩