香港深水埗｜Nomad

新開張時經常大排長龍，熱潮過後星期日中午過嚟食就直入先。食物出品唔差㗎，杯啡又夠水準先。 味道 ⭐️⭐️⭐️⭐️ 環境 ⭐️⭐️⭐️⭐️ 服務 ⭐️⭐️⭐️⭐️⭐️

呢排成日去深水埗 於是就喺openrice睇定邊啲舖頭想試 見落黎間舖頭既名幾特別 諗緊咩地方會想用遊牧民族黎個名咁得意呢？ 去到呢間舖頭門口研究咗陣 發覺佢嘅裝修同埋風格都幾特別 話佢係日系又唔算日得晒 反而係有啲禪嘅味道 入到去左邊有個水吧位 全部都係由一位師傅負責曬 包括咖啡,茶同埋酒 我覺得呢度比較特別嘅係佢有咖啡加酒嘅飲品揀 今次係第一次嚟 所以我都係試佢嘅咖啡先 睇下佢嘅功夫得唔得 下次嚟我會試佢嘅手工黑啤咖啡！ 我哋叫咗一個日式鯖魚定食 日式雞翼 同埋呢度嘅名物吉列豬扒三文治！ 等左大約五分鐘兩杯咖啡就嚟咗 cappuccino嘅味道好濃唔似出面咁一味得個甜字 感覺佢嘅咖啡底唔錯！ 日式雞翼醃得好入味 表皮炸脆嘅感覺同喺日本食一模一樣 算係我喺香港食過最好食嘅日式雞翼之一！ 呢到一定要試下！ 日式鯖魚定食嘅前菜好豐富 有芝麻醬青瓜同埋醃芽菜 鯖魚油分好足！推介！ 另外佢碗飯上面除咗有三文魚子之外 竟然仲有鹽漬蛋黃！ 送飯絕對一流值得一試~ 呢一樣嘢係我喺出邊日式舖頭未見過嘅 而到佢哋招牌吉列豬扒三文治 豬扒食落一絲絲 一d根都食唔度 非常不錯！ 佢嘅包皮好脆 配合夾住嘅兩塊車打芝士同埋沙律醬 再飲啖咖啡絕對人生一大快事~ 總括而言 黎度咖啡，食物同埋環境都屬於中上 絕對會再返嚟幫襯 適合無論係一班人或者一個人嚟諗下嘢睇下書 一個真正心靈得到放鬆既好地方

係呢個美食荒漠中~