香港旺角｜千府 居食屋

抵食好味日本小店🍢 呢間日本小店餐廳唔算大，但係坐得都幾舒服。打開餐牌，食物選擇種類非常之多；而且價錢抵食，食物質素仲相當唔錯。 首先我哋叫咗Sake飲，慢慢嘆！ ▶️天之户 冰晶純米吟釀 呢隻清酒嘅味道幾濃郁，係槽口新鮮搾出嘅酒，即刻封口，低溫熟成。 ▶️前菜 新鮮蔬菜條：紅蘿蔔、青瓜等等。有鯷魚醬。 ▶️松葉蟹肉波波 面上有蟹子，仲有柚子啫喱，撈埋蟹肉一齊食，蟹肉夠鮮，好好味😋 ▶️時令生蠔 生蠔幾大隻，外邊爽爽地，蠔身夠creamy，食落鮮甜！ ▶️五點刺身 赤身、赤蝦、真鯛、三文魚、海膽 海膽夠多鮮甜，仲有紫菜包住食～真鯛口感爽爽地，帶魚鮮。赤蝦都相當爽口，赤身魚味濃，三文魚幾肥美。 ▶️千府火炙盛盒8件 鍾意食火炙壽司係帶有火炙香，左口魚邊魚油夠香。北海道帆立貝夠大隻，拖羅肥美，三文魚面上有洋蔥🧅味道更突出。 ▶️千府將大板燒 餡料相當豐富，而且唔會太厚，唔同出邊食完會好飽濟，恰到好處。 ▶️千府一品厚切牛舌芯 呢個牛舌燒得好香，厚身爽口，好好食！ ▶️日本青椒仔 面上有日本柴魚，青椒味冇濃容易入口！ ▶️原條燒花魚一夜千 夠大條，燒得香，用嚟送酒真係一流！ ▶️字治抹茶十勝紅豆布丁 成個富士山樣🗻賣相好靚， 有埋紅豆味道更豐富！ 小店來講食物性價比高，餐廳服務又好好，值得一試！

今日約咗friend去何文田新開日本餐廳，感覺幾正宗。 首先嚟個刺身拼盤（有海膽、赤身、深池、帆立貝、三文魚腩、牡丹蝦、拖羅）全部都好新鮮，切得都幾厚身，唔錯！ 壽司就梗係唔少得，我叫咗4款，我鐘意D飯唔係好大’夠‘ 而且仲係暖嘅添，我自己就特別鐘意食左口魚裙邊 之後叫咗兩杯外型好靚嘅飲品，杯面有波波，杯底見到富士山，大約一分鐘左右波波會自動消失。 有個甲羅燒伴燒鱈魚脆片我都覺得好正，係用蟹肉再加味噌一D齊煮再配埋鱈魚脆片食‘好配’ 另外見牆上有個廚司推介‘黑毛豬义燒配溫泉蛋，比較起同平時食嗰D义燒有咬口，冇咁林身 雞翼就鐘意佢冇骨，鑲咗D明太子辣辣地幾特別！

@旺角 流淚行勝利道就聽得多，上星期我就去咗勝利道嘅「千府居酒屋」，不過有好嘢食就冇流淚。我夜晚嚟，發現午市免加一仲抵。 晚市餐前小食及茶芥 每人$30 居酒屋通常都有餐前小食，今次係西班牙緹魚醬，可以用青瓜蘿蔔去點。醬鹹鹹地，配搭清新嘅錯蔬菜好開胃。 千府特上壽司盛盒（九件） $298 九件都咁正，有曬我最中意嘅拖羅、帆立貝、左口魚同埋海膽。魚生食落新單，而且份量都唔吝嗇，有勁多海膽！ 日式蕃茄豆腐沙律 $98 同朋友都想食個沙律，估唔到份量咁大！有成七八舊豆腐，蕃茄蔬菜都新鮮！ 煎爆蟹餅 $68 呢個係你嘅香，十分之足料！我鍾意點埋佢地個醬食。 西班牙伊比利亞黑毛豬叉燒配溫泉玉子 $148 係高級嘅叉燒！首先肉質鮮嫩，充滿肉汁。嗰邊仲要燶燶地，食落幾脆口。仲可以點落個溫泉蛋度添，同單獨食嘅口感又有啲唔同。 白桃汽水 $32 呢度有好多日本嘅嘢飲，我就叫咗支梳打。白桃味淡淡地，感覺唔會太甜，適合我。