香港尖沙咀｜Hakkaisan Japanese Restaurant

八海山門口毫不起眼，一入餐廳就俾我一種家庭既感覺，裝潢比較簡樸，職員係我地進餐時侯不斷加水，非常貼心。 - 雜錦魚生 雜錦魚生包括吞拿魚、三文魚、赤蝦、油甘魚、八爪魚同海膽。三文魚砌成一朵花，口感肥美。帆立貝切得好厚，最好味係海膽，入口鮮甜creamy😍。 每款魚生放得好開但不失美感，食落有少少太凍，不過唔會太影響口感。 - 帶子牛油燒 一共有四件帶子，帶子好大隻，牛油滲透入帶子裏面，味道更香。旁邊仲有香氣四溢既雜菌。 - 明太子蛋卷 蛋卷口感滑嫩，食落充滿蛋味，加左明太子令味道變得鹹鹹甜甜，非常好味👍🏻 - Sukiyaki 八海山既壽喜燒屬於關東煮法，牛肉、菜、豆腐同湯底會一次過上。牛肉既肉味頗濃，點埋生雞蛋漿食令口感更加嫩滑。 八海山既料理無任何精緻既賣相，但呢種日本家庭式料理已經足以俘虜我既舌尖🥰

正宗既日本居酒屋，位置非常便利。 試左刺身盛合，鐵板和牛粒，帶子牛油燒，生蠔面豉鍋等等，都好有水準。 我個人比較推薦佢地既鍋物，好足料，至少有八隻生蠔，仲有大量配菜，例如冬菇、豆腐、生菜、大蔥等等。生蠔味道鮮甜，配埋面豉湯底味道更加突出。

超推介刺身拼盤 本身我睇一個刺身控，嚟到當然要試一試呢度嘅刺身拼盤先啦，識落每一樣都非常新鮮，但係海膽係最令人驚喜嘅。😍樣樣都厚切，絕對唔吝嗇！ 小食方面，我哋叫咗個一口牛柳粒同埋隻燒帆立貝， 兩碟都係用鐵板上，所以食落都係熱辣辣嘅！嗰隻燒帆立貝配上檸檬色入去幾Refreshing而且唔漏，都幾唔錯。我同朋友都覺得一口牛好正，因為食落去脆脆地，但係入邊又唔會好老，肉質亦好嫩滑👍🏻 我哋兩個仲叫咗一個shabu shabu，佢會拎上一個蛋俾你點啲牛肉嚟食，好重牛味，不過烏冬嗌多咗，所以有少少飽。整體嚟講都係非常滿足我哋特別推介刺身拼盤，因為食落真係幾新鮮，海膽好鮮甜。😎