香港尖沙咀｜Sushi Hisayoshi

係海港城入面竟然諗新開左一間Omakase ，真係要即刻去試下先，餐廳設計足滿日式和風風格，師傅係bar 枱前親手處理食物，好有致身於日本的感覺，岩哂好耐無去日本既我地！ 中午既Omakase set叫風花，係包括有十二貫壽司，玉子燒，麵豉湯同埋甜品！ 首先係食白肉壽司先，青森魷魚、手捕池魚，魚味幾重，加上蛋黃醬，甜甜地同魚好夾。 之後食拖羅，呢度嘅拖羅係係日本大間漁業協同組合進口，質素好有保證，佢哋嘅拖羅係有熟成十四日，大拖羅都好肥美，中拖赤身肉質好細嫩，魚味更濃郁，一流！ 之後食燒北寄貝，毛蟹蟹肉壽司，係好食得出食材嘅鮮味！另外仲有多到滿嘅三文魚子軍艦同海膽撈飯，海膽真係好好味，真係想一食再食！最後食埋海鰻壽司，海鰻肉質非常嫩滑。之後再食一個非常似海棉蛋糕嘅玉子燒，呢個玉子燒聽講係金子師傅嘅最愛，將玉子整成蛋糕咁嘅口感真係好特別，味道都非常唔錯！ 最後飲埋麵豉湯同埋食雪糕，起初店員唔講雪糕嘅味道，叫我哋試吓味，點知辣辣地原來係Wasabi味雪糕，真係非常特別！ 呢間omakase 真係非常值得一試，真係食咗好多第一次食嘅嘢，非常特別但味道同樣非常出眾~~~

今日出到尖沙咀 想食壽司 咁啱見到有間新開嘅omakase喺海港城，就去試下。 一試難忘，午餐12件壽司 800幾蚊，質素高，完全值回票價！ 壽司大廚係日本人，精於手握壽司，手勢非常正宗。 壽司材料非常新鮮，全部都係日本空運到港，而旦都係季節食材，非常好食。 壽司包括有大吞拿魚，蟹肉壽司，秋刀魚，海老壽司，魚子軍艦等等。 熱食包括海膽炒飯，海膽味好濃鱼魚無 一口玉子燒，食落好似食蛋糕咁，非常鬆軟！味噌湯味道亦好濃郁，真材實料！ 最後甜品有wasabi雪糕，味道非常特別，估唔到wasabi同雪糕係咁夾！ 呢到環境坐得舒服，侍應服務貼心，周不是都全主動加茶，壽司師傅都成日同食客交流，講解唔同食材再加上食物質素，今次體驗非常好。下次一定再幫襯！

香港近年有不少以廚師發辦作招徠的壽司店, 最時令的海產，配合江戶前壽司 的傳統手握技法。為我們制作佳餚。壽司吧有十多個座位, 師傅經常同我地交 流, 都幾開心 先食STARTER 3款, 有卷物, 燾司, 玉子燒, 湯同水果 粟米豆腐，入口細緻, 慢慢滲出香甜既粟米味道 水煮八爪魚，胡椒柚子加持, 令八爪魚更提鮮 備長炭燒吞拿魚，輕輕燒過吞拿魚表面, 配了酸汁, 入口鮮甜, 好開胃 北海道毛蟹，毛蟹的肉質飽滿而鮮嫩，蟹味鮮甜, 配埋魚子醬, 味道更多層次 拖羅手卷，入口先感受到脆身既紫菜, 之後就係入口即溶既吞拿魚, 配合醋米飯, PERFECT 青森佐口魚，瑩剔透的平目刺身，拌以濃稠的醬油，更能帶出魚肉的清甜，營造更具層次 的味道 手釣池魚，魚肉結實而脂肪較少，吃起來爽身, 鮮味而不帶腥 青森縣大間吞拿魚的色澤較濃，也更滋味。 青森中拖羅，魚香持而恰到好處的魚油脂，非常甘香 大拖羅，脂肪分佈好像雪花般，富天然魚油脂的甘香，入口即溶。由於脂肪精華 味道濃郁 北海道北寄貝，新鮮貝肉口感細膩更富有層次感，甘甜而爽滑 熊本縣車海老，晚秋至冬季，是車海老最為豐腴肥美的時節。車海老，肉質飽滿，彈滑爽脆，口 味鮮甜 ， 海鰻魚，塗滿了醬汁, 慢火炭烤，腴潤綿香, 口感細緻, 美味無比。 太刀魚，經過炙燒後口感焦脆且紮實，. 些許的蔥醬讓魚本身較淡的味道有所提升，