香港尖沙咀｜KAIYŌ (K11 MUSEA)

和久未露面的朋友相聚，他說不想食得太Heavy，想清淡一下食日本餐，又要靜靜地，找了很久，決定來到K11 Musea的Kaiyo。 第一次黎，想不到這裏裝修這麼有格調。餐廳門口就是酒吧枱，放滿各種不同種類的酒！樓底很高，牆身都掛有富日本風情的掛畫。全店走紅黑色為主的型格路線！朋友坐低想也不想，便點了阿拉斯加皇帝蟹涮涮鍋，因為她想回味日本蟹道樂的感覺！ 前菜先上，有芝麻醬沙律、茶碗蒸和魚仔乾核桃。頗喜歡個核桃，甜甜地好香口！茶碗蒸熱辣辣好嫩滑！ 主菜當然是阿拉斯加長腳蟹，份量也不少，長長的蟹腳，晶瑩的蟹肉，看得出的新鮮！湯底選了壽喜燒鍋， 鍋底滾起，便迫不及待將蔬菜放入去！蔬菜盤的份量也不少，有金針菇、冬菇、娃娃菜、菜心、豆腐等，仲跟了個烏冬！ 這個壽喜燒鍋底，配新鮮蔬菜剛好，完全不會搶去蟹的鮮甜味道。蟹肉新鮮得食到微咸的海水味！肉質也彈牙爽口！最欣賞是已經預先開好殼，所以蟹肉一撕即出，啖啖肉！這鮮甜無疑是日本的感覺，令人不禁想起了日本的味道！ 跟餐還有餃子和魚蛋，魚蛋彈牙得很，餃子也足料，開頭我們以為還要點其他食物，但是吃着吃着，都吃了差不多兩個小時！ 跟餐的烏冬，煙韌有咬口，滑嘟嘟，撈上芝麻醬和香葱，令人食唔停口！我們兩個人食完個餐最後食埋甜品泡芙，感覺大滿足！ 這裏環境一流，食物選擇亦十分豐富，壽司、和食、火鍋種類繁多，用料亦新鮮，和朋友相聚又或者見客，都是一個十分不錯的選擇！

👍🏻海陽.和風套餐 有前菜、刺身、壽司、雜錦天婦羅、串燒、丼飯、甜品。 👍🏻前菜 最喜歡係個茶碗蒸，超滑(SHU一下就吞落肚)，同時有很多配料係入面：冬菇、豬肉、蝦，清清淡淡屬不錯的前菜。 👍🏻刺身：金槍魚、油甘魚、甜蝦。 凍冰冰得黎食得出好出鮮，魚味好香無咩腥味，油甘魚既油份食落口已經浸哂出黎，而且兩款都無魚筋位。 👍🏻壽司：碎蔥吞拿魚腩、原條海鰻、海膽。 全部即叫即整，紫菜仲好脆，碎蔥吞拿魚腩幾乎滿瀉，魚蓉十分綿滑，蔥花充足。原條海鰻更加係誇張之作，足足有一個木盤咁長，蒲燒汁甜甜地加上燒過既微焦，配埋厚身既鰻魚(仲要無細骨無幼骨）食落口又係滿帶油香。海膽亦都唔吝嗇，份量好多。我選擇食左海膽再食個壽司飯，入口即融呢個形容貼切不過，海膽一點腥味都無 (超難得)，亦無半點苦澀，好鮮甜！ 👍🏻雜錦天婦羅 炸粉非常薄脆，唔會太油，仲可以點埋天婦羅汁加蘿蔔蓉。特別條炸蝦好大條，脆口得黎都好爽口！明副其實做得天婦羅既精髓外脆內爽。 👍🏻串燒：燒牛脷、月見雞肉棒 兩串都仲好回味，牛脷豐腴，食起上黎又爽又脆，小小鹽灑係面更覺鹹香惹味。雞肉棒肉質帶咸，不過正正沾上溫泉蛋汁又中和返，一啖點一下認真滋味，啖啖肉！ 👍🏻卷物：牛油果軟殼蟹卷 清淡而creamy既牛油果配上邪惡既軟殼蟹真係好夾。軟殼蟹明顯即炸，香口又脆卜卜，飯夠實淨，每片牛油果都切得薄薄的，分三塊鋪在卷物上(唔似一般一整塊鋪頂)，完美增加左口感！雖然定價$ 128 ，不過味道對得住個價錢。 👍🏻丼飯：日本和牛丼 熱辣辣連蓋上枱，和牛有三大片，超腍！牛味超濃，牛汁仲浸入到米飯裡面，配上有咬口既珍珠米，實在滿意！ 👍🏻👍🏻環境高雅、樓底好高、枱與枱的空間感十分足夠，坐得十分舒適。裝潢以紅色為主，餐具亦有好日本風。 💡入餐廳只需填google form 超環保！

好友生日，和她來到K11的「KAIYO」居酒屋食晚飯慶祝。雖說是日式居酒屋，但裝潢走現代摩登路線，紅白為主的顏色配搭，高樓底的寛敞環境，配合昏暗燈光，加添幾分神秘感。坐bar 枱的客人，還可以邊吃邊欣賞幾位靚仔廚師的手藝呢！我們叫了一份一人前套餐加一份壽司share 食。套餐$698，非常豐富。 《前菜》有沙律菜，小食和蒸蛋，小食是合桃混合魚仔，蒸蛋滑不溜口。 《味噌湯》咸淡合宜，內裡有豆卜和海帶 《刺身：金倉魚、油甘魚、甜蝦》 刺身肥美新鮮， 油脂分佈均勻 《壽司：碎蔥吞拿魚腩、原條海鰻、海膽》 原條鰻魚非常吸睛，充滿氣勢，吞拿魚腩壽司和海膽壽司非常鮮甜美味。 《雜錦天婦羅》炸粉非常薄脆，炸後外脆內爽。 《串燒：燒牛脷、月見雞肉棒》 牛脷燒至剛剛熟，吃起來又爽又脆，鹹香惹味。 雞肉棒沾上溫泉蛋汁一齊食，又另有一番滋味。 燒烤後外脆內嫩， 《日本和牛丼》 迷你的和牛丼有3塊和牛，和牛豐腴，口感香軟嫩滑，咬多幾下，頓感口內充滿香濃的油脂。不可不提的還有日本的白米飯，雖然吃壽司已吃了很多飯團，但這碗丼飯真令人意猶未盡。 上壽司盛（九件）$328 壽司水準相當高，飯與魚生比例剛好，而且魚生夠新鮮，鮮味足。每嚿壽司飯裡面都放有適量的Wasabi，吃起來不會膩滯。 最後還有一碟日本蜜瓜做甜品 今晚這頓生日飯，真是大滿足