香港中環｜Lau Bistro

此店以腐乳主題作招徠，全日均有套餐供應，更有點配小食，地方簡約雅致，店員親切友善，顧客到來必定要試試他們安放枱上的腐乳，非常惹味，是一種熟悉懷舊特別回憶的味道，可使人飽餐一頓，但請放心這兒的白飯是任添的，絕對不容錯過。

ℒ𝒶𝓊 ℬ𝒾𝓈𝓉𝓇𝑜 相信是全港唯一一間以腐乳為主題的餐廳，九十後的幾位老闆大膽創業，餐牌上的大部分食物都加入了腐乳，大玩中西合壁ғᴜsɪᴏɴ菜式，希望令更多人喜歡東方芝士，很欣賞他們的創新精神‼️ ⤫ ⤫ ⤫ ⤫ ⤫ ⤫ ⤫ ⤫ ⤫ ⤫ <腐乳慢煮雞卷配白飯> $108 個人最喜歡這個菜式，雞卷經過多小時慢煮烤焗，肉質嫩滑配上微脆的雞皮，老闆更精心特製腐乳粉灑上雞卷！不能少的一定是腐乳撈飯，一磚腐乳可以送到一碗白飯，很有家的感覺🏡 ⤫ ⤫ ⤫ ⤫ ⤫ ⤫ ⤫ ⤫ ⤫ ⤫ <新腐乳卡邦尼> $128 用腐乳代替芝士及臘腸代替煙肉，意想不到地毫無違和感，反而沒有了平時卡邦尼的膩！吃之前可以先把腐乳粉及蛋汁撈勻，醬汁挺濃稠的，意粉質地也剛好🍝 ⤫ ⤫ ⤫ ⤫ ⤫ ⤫ ⤫ ⤫ ⤫ ⤫ <雞軟骨特級脆餃配腐乳醬> $68 本來想點腐乳雞軟骨，但老闆推薦可以試他們近期最新出品，將雞軟骨切成細粒包在餃子內，然後油炸至超脆口感，配上腐乳沙律醬是一道邪惡的小食😈 ⤫ ⤫ ⤫ ⤫ ⤫ ⤫ ⤫ ⤫ ⤫ ⤫ <ʟᴀᴜ ᴡʜɪᴛᴇ> $45 <ʟᴜɴɢ ɴᴏᴜʀɪsʜɪɴɢ ᴄɪᴛʀᴏɴ ᴛᴇᴀ> $25 ʟᴀᴜ ᴡʜɪᴛᴇ其實是將腐乳加於ᴇsᴘʀᴇssᴏ ᴛᴏɴɪᴄ，第一啖會覺得很新奇，再喝就能慢慢接受，從來都沒有試過腐乳味的飲品😂另一杯點了柚子潤肺茶，柚子味會相對突出，喝下去挺舒服的！

今日喺附近見朋友，行過餐廳門口，有一位好有禮貌嘅店員話佢哋係腐乳主題餐廳，好似幾特別，就入去試下。 入到去見個裝潢都幾靚，有d藝術感。個 menu 都靚，打開睇下，見每一頁都有一兩款食物有腐乳，其他冇，我覺得咁樣幾好，如果有同行朋友唔係話太鍾意腐乳都有其他選擇。不過今次我同朋友都想試多d佢嘅腐乳 items，就叫咗店員推介嘅4款食物，同朋友 share 食。 (店員叫肥仔，應該話係店長之一先啱) 先嚟兩個小食，第一個係 - 腐乳咸蛋黃炸魚皮： 攞上檯個樣好靚，肥仔話要影相就要快d喇，仲主動俾咗隔離檯俾我哋影 (隔離檯啱啱食完，近門口光線好d)，因為影影下都塌咗少少，不過呢個小食食到尾都依然香脆。成件事唔會好油，送酒一流。 第二個係 - 南乳炸雞球： 呢個我就覺得可以再炸得香脆d，但係係好食嘅，份量都唔少。最畫龍點睛係佢個醬，首先粉紅色已經好靚，同佢個紅碟都好襯，好有美感；加埋個醬係有腐乳，食得出但係又唔會太濃，點到即止，我哋好欣賞。 再叫咗兩個大碟d嘅，第一個係 - 牛油果煙燻三文魚酸種麵包，雖然佢喺 menu 屬於小食，但係當主菜都夠哂飽： 我個人都幾鍾意食酸種麵包 Sourdough，不過要做得好食，上碟唔會太硬、太酸、太燶 / 苦已經有難度，而且通常酸種麵包本身都比較突出，就算同其他食物擺埋一齊，都係我還我，佢還佢咁。不過呢個就好有驚喜，酸種麵包上面有一層腐乳 cream，中和咗三文魚同麵包喺口感同味道上嘅衝突，即刻成件事好夾，今個 lunch 最鍾意就係呢碟！牛油果我就覺得冇咁特別，不過佢牛油果俾咗原個，份量足。 第二個係肥仔推介嘅主菜，椒絲腐乳卡邦尼意粉： 賣相都係好唔錯，食落當然都好滿意。我自己本身唔係太鍾意 Carbonara，通常都係食兩啖就停手。不過呢個我覺得易入口，同埋有少少腐乳味都幾有趣，所以都食咗大半碟。最正係佢有幾片臘腸，而佢個 menu 冇提到，即係店家係因為覺得好食先落，而唔係純粹想賣高d個價錢而落。可惜我都唔係好食臘腸，所以冇食到，而我朋友就讚不絕口，佢就成餐 lunch 最鍾意呢個意粉！ 最後仲有兩杯嘢飲，Salted Plum Latte (話梅拿鐡) 同 Lau White (有 tonic、腐乳同 espresso)。Salted Plum Latte 係熱嘅，試咗一啖，個話梅味幾香。 Lau White 係凍嘅，大杯d，杯底有層腐乳，可以攪下佢先飲。我覺得幾好飲，加咗 tonic 令佢有少少汽水感覺；雖然係 espresso，但係對我呢d冇飲開咖啡嘅人嚟講都唔覺苦；而腐乳屬於點綴，唔會太 heavy。食完炸嘢飲下呢杯，幾清新。 食到飽哂之後，肥仔仲帶我哋參觀間餐廳嘅其他角落，有好多特色擺設。牆上面嘅海報係佢哋幾位店長 / 餐廳擁有人嘅介紹，同埋對腐乳嘅解讀。成件事好藝術，拍得住呢區附近嘅畫廊。廁所都係景點之一，大家去到記得去望下。 返到位坐低，諗住坐多陣傾下計，喺水吧嘅店長仲主動攞兩杯水俾我哋，好細心，再加分！ 店家真係每一款食物都好有心機去構思同製作，令我哋作為食客，喺視覺同味覺上都好滿足。Fine dining 嘅感覺，親民嘅價錢，尤其喺呢區嚟講。座位唔算多，大約10個，趁佢哋紅到大排長龍之前我會再去多幾次！