香港紅磡｜Mai Hei

【高人氣一汁三菜🤍 款式多多、食物水準高、環境舒服✨】 推薦程度：●●●●● 抵食程度：●●●◐○ ——— 當日係假日2-3pm左右，過咗午飯嘅高峰時間，但都要排10分鐘左右先有位～ 最近天氣都比較悶熱，大家記得要帶齊消暑法寶先嚟排隊呢🌬 見到menu林林總總，已經好欣賞佢嘅多樣性👍🏻 定食可以選〈米〉〈主〉〈冷〉〈溫〉〈甜〉〈飲〉，數量不限，因為係續部份計錢的，可因應個人喜好同埋預算去選擇～ 呢方面覺得幾彈性，變相同友人可以一次過試多啲款式了🥰 人均百幾，唔算好平，但算係物有所值❤️ 〈米〉明太子｜$22／〈米〉海苔醬｜$17 兩款各有千秋，唔算好驚艷，預期中嘅好，所以都唔特別推薦了🙌🏻 質素好，所以更加可以因應個人喜好去隨心選擇🥰 〈主〉奶油菠茶鮭魚｜$52 三文魚份量都中規中矩；以粒狀一口size呈現，方便食用，呢方面係做得幾細心👍🏻 魚香肉嫩；奶油汁仍唔會太油膩、太heavy；菠菜亦冇草青味；整整都唔錯，唯獨價錢偏貴🙈 〈主〉推薦🌟月見博多地雞團子｜$48 雞團子即係雞肉餅～ 食落肉嫩多汁、調味適中，幾啱餸飯🙌🏻 冇筋／過多嘅油脂感，加上月見增添嘅濕潤感，口感同味道都非常好，大推👍🏻 〈冷〉推薦🌟八爪魚沙律｜$26 八爪魚幾彈牙，每粒嘅size同份量都比想像中有誠意👍🏻 另有青瓜同車厘茄等配料，加埋醬汁超開胃😋 〈冷〉鰹魚汁菠菜｜$20 比較清淡嘅菜式，冇咩特別～ 但份量都OK～ 〈溫〉推薦🌟忌廉蟹肉餅｜$26 外皮香脆可口，炸粉亦唔太厚身！餡料保持到暖暖地，一咬忌廉就喺口腔四溢，係可樂餅迷必試🔥 〈溫〉推薦🌟蔥燒牛舌｜$36 呢款係有驚喜！牛舌腍身而帶微微爽口，厚度剛好，加埋醬料同配料味道更加香口！令人再三回味🔥

呢兩年真係新開好多日式家庭料理餐廳🇯🇵自問唔算追得貼🤣 不過呢間算係開得比較耐🥰 食物同價錢方面真係取勝😛 裝潢同樣以木系簡約主題卡位都坐得舒服👍🏻 不過如果想影好文青有塌塌米嗰種就建議揀其他小店😂 欣賞 @maiheihk 主打「一汁多菜」可以自由組合🥰 米、主菜、冷盤、溫菜有好多選擇🤤 黎之前喺網上bookmark左最吸引嗰幾樣😬 全部都無失望!! 真係有日本住家的味道😍 個人最中意就係用醬油醃漬既日本蛋好濃郁！撈飯真係勁好食🥚 安格斯牛柳煎得好香又唔會韌🥰 旁邊既炸蓮藕片先好食🧡前菜必點松葉蟹薯仔沙律好綿密又開胃🥗 忌廉蟹肉餅亦做到外脆內軟🤤 壽喜燒足料不過相對普通少少，但個牛肉都合格👍🏻 鴨胸肉都幾燒得幾香，肥瘦適中😬 . 牛肉壽喜燒 $48 牛油醬燒煎安格斯牛柳 $45 柚子醬油煎鴨胸 $34 忌廉蟹肉餅 $26 松葉蟹薯仔沙律 $24 醬油蛋飯 $22 . . 📍米気 (紅磡) 紅磡黃埔天地百寶坊(第3期)地下G32號舖

長龍店米氣經常性要排隊。每樣精緻細細碟又多選擇。但唔覺唔覺都要成$150位。不過唔緊要，最緊要好味道。連最尾個米雪糕都出奇地好味。 味道 ⭐️⭐️⭐️⭐️⭐️ 環境 ⭐️⭐️⭐️⭐️ 服務 ⭐️⭐️⭐️⭐️⭐️