香港觀塘｜Bella Shine

同大食朋友約食飯，簡semi-buffet就啱哂啦！今次我哋揀左觀塘呢間隱世餐廳喺工廈入面，所以空間非常寬敞，坐得舒服。 120分鐘 牛扒放題成人＄308，仲要包埋海鮮，沙律，甜品及MOVENPICK雪糕任食，真係性價比極高。 牛扒放題menu唔係淨係得牛扒，仲包括 1. 紐西蘭西冷牛扒 2. 燒美國豬肩扒 3. 印度夭多利烤雞扒 4. 烤紐西蘭羊西冷配阿根廷青醬 5. 冬陰功雞柳意大利飯 6. 子薑菠蘿青口茄醬扁意粉 1. 紐西蘭西冷牛扒 我哋鍾意食生啲，所以簡咗3成熟，外面煎到焦啡，入面粉嫩，厚肉多汁，肉味濃郁。 2. 燒美國豬肩扒 有驚喜，平時好少叫豬扒，因為驚鞋颯颯乾爭爭，但係呢塊係好有肉汁，而且醃得啱啱好，唔會比調味料蓋過肉味。 3. 烤紐西蘭羊西冷配阿根廷青醬 我同朋友都覺得呢樣最好食，羊肉仲係粉紅色㗎，肉質軟腍，有羊味得黎唔覺羶，加埋青醬一齊食好夾。 4. 冬陰功雞柳意大利飯 比想像中辣，唔係辣到食唔到個種，我鍾意食辣，所以覺得幾好。冬陰公好惹味香口，酸酸辣辣好開胃。 自助吧包括自助餐區 - 時令海鮮包括皇冠螺，青口同埋凍海蝦，會定時refill。海蝦鮮甜彈牙。是日餐湯濃稠幼滑。沙律新鮮爽甜。MOVENPICK同埋甜品都係任食，係好完美嘅一餐。

CP值質極高的半自助餐 午市多款套餐，有埋自助沙律、餐湯、水果和甜品，價錢經濟抵食。 沙律菜新鮮爽脆，香煎格陵蘭比目魚扒配白酒忌廉汁，魚扒鮮甜軟滑，魚皮香脆，健康美味。和風照燒汁烤菠蘿牛肉芝士漢堡，漢堡厚身有牛味，芝士溶了加上菠蘿和蕃茄，令到個包咬落多汁，超級好食。

記得一年多前曾經試過呢間餐廳，係好食嘅，決定再同同事嚟食飯😁 依家午餐做緊Set lunch加沙律吧 (有沙律菜、水果、涼拌小食、甜品同餐湯) 🍽香辣雞扒配蕃茄沙沙乳酪醬漢堡 雞扒味道不算太辣，帶有紅椒粉香味，食落有汁唔鞋口！配上蕃茄沙沙味道幾清新，本以為乳酪醬好Heavy，不過佢調得都幾light😚 中間夾咗少少脆片，食落幾有驚喜！ 🍽巴馬臣芝士焗寶雲酥三文柳 份量幾足，好厚身，魚柳位置唔會太多油脂。面層嘅寶雲酥好香牛油味，薄薄一層食落唔算好膩，但整體就冇咩芝士味😂 三文魚柳下面墊咗羽衣甘藍同紫薯蓉，有番少少菜同碳水食，可以飽肚D～ 兩道食物水準都好好，兩人share食份量都好夠👍🏻 加埋有沙律吧、跟餐餐飲，呢個價錢我覺得合理兼抵食！😋😋