香港觀塘｜Downtown

講起登堂，今次係第二次嚟食dinner lu, 今次坐喺另一邊，發現原來有間小酒窖喺中間，感覺好正好有氣氛！ ✨鮮魷魚手造闊帶麵 - d麵真係幾闊下，幾吸引眼球！第一啖有d咸蛋黃味，之後就食到蟹籽嘅鮮味，麵質軟硬度適中，鮮魷有口感👍 ✨避風塘蘿蔔糕 - 呢個配搭好特別，仲用左籠仔裝住好過癮~ 蘿蔔糕切好晒一粒粒，好易入口，而且避風塘口味真係好惹味，食到停唔到口🤤 ✨黑毛豬火腿菠蘿批薩 - 啖啖都係芝士🤩餅底幾軟熟，黑毛豬火腿咸香味夠出，整體好match! ✨香蕉拖肥批白朱古力 - 唔好睇佢成杯白色咁，佢一d都唔惹小😂 香蕉味幾出，而家白朱古力味唔算太甜，我都係第一次飲熱嘅白朱古力😍 ✨荔枝烏龍寒天 - 鍾意佢清清地又有淡香荔枝味，唔會好甜，寒天有咬口幾得意，食完油膩野再飲一啖好解膩！ ✨西班牙油炸鬼 - churros食得出佢應該係自家製，外脆內軟， 配埋朱古力雪糕仲正！食完甜品好滿足😋

聚會之選🤩 觀塘樓上摩登西餐廳🍴 復活節大家都周圍飛，返到黎緊係要約朋友見吓交換手信😚 大家返到黎都想傾下計catch up吓，所以專登搵啲坐得舒服又唔太嘈嘅餐廳～ 之前就去坐觀塘一間樓上西餐廳登堂 Downtown🤩 🌃 環境 (4/5) 登堂喺觀塘The Wave裏面，離觀塘站大概4-5分鐘路程，唔算太遠～ 餐廳佔咗二樓全層，地方好大好闊落🤩 餐廳設計簡約又時尚，以木色，金色同深藍色做主調，感覺摩登得黎又有質感💙 由於餐廳夠大，座位空間都幾大，有好多梳化位，好適合三五知己坐喺度慢慢食飯傾計😗 😋 食物 (3.8/5) 🍟 芝士薯條配松露蛋黃醬 $88 🍣 蘇格蘭三文魚柳 $258 🍝 澳洲和牛面頰肉醬．溫泉蛋．手造闊帶麵 $168 🥂 Proseco $52/gls 登堂嘅menu都幾多元，無論小食，pizza，pasta定main course都有幾多選擇😆 口痕痕就嗌咗個芝士薯條配松露蛋黃醬🍟 薯條用個點心蒸籠裝住，份量好多又幾得意😆 餐廳用嘅係幼薯條，炸得夠熱夠香脆，面頭鋪上parmasan cheese碎，蘸埋松露蛋黃醬超邪惡😈 蘇格蘭三文魚柳超有驚喜😍 三文魚柳用咗西日fusion嘅烹調方法🇯🇵 三文魚大大舊好厚肉，表皮烤得脆卜卜，肉質唔會過老，加埋三文魚籽好精緻🍣 三文魚底下墊咗吸滿日式高湯嘅大根，好甜而且無根😛 最特別係用日式高湯熬製而成嘅忌廉汁🥰 味道偏甜但又唔會好怪，淋喺三文魚柳上面有畫龍點睛之效🤩 最後仲嗌咗個pasta🍝 手造闊帶麵出面比較少見，有差唔多成隻手指咁闊，幾特別～ 闊帶麵質感偏薄，食落都有口感同幾飽肚🤣 澳洲和牛面頰肉醬真係食到牛肉粒，不過個人略嫌味道較但，如果再濃味啲就正🤪 最後當然唔少得酒啦🥂 就算過咗happy hour，佢哋嘅proseco/紅白酒都係$52蚊，超抵飲🤩🥂 我哋就嗌咗兩杯proseco chill吓，好清爽😚 💰 價錢 (4/5) Average price $300/pp 登堂環境舒服，食物選擇多元而且味道都唔錯，連酒水加一每人都係大約$300，價錢合理👍🏻 推薦大家帶三五知己黎聚會😗

觀塘寧靜舒適半自助晚餐 餐廳位於觀塘The Wave二樓全層，環境十分寬敞，座位舒適。今次我地嚟食Semi Buffet dinner，包咗一個主菜同出面bar枱既任拎食物，有沙律、海鮮、小食同甜品。 沙律有各款自選沙律菜配醬汁、煙三文魚、火腿等等。海鮮有凍蝦、青口、翡翠螺、北寄貝、赤貝同泰式生蝦，👧🏻鐘意翡翠螺大隻清甜🐚，👦🏻就鐘意赤貝鮮甜爽脆感。小食款式多，有白汁蜆、避風塘蘿蔔糕、煎豬頸肉、煎雞翼等等，👦🏻👧🏻 鐘意白汁蜆，蜆肉鮮嫩！甜品有糖果、蛋糕同生果，👧🏻最鐘意朱古力蛋糕同Oreo蛋糕🍫！ 烤焗紐西蘭羊鞍開心果保雲蘇配羊燒汁 羊鞍表面鋪滿開心果仁粒粒脆，令外皮有脆既口感，嗌咗五成熟，肉質非常粉嫩😍！配埋燒汁食好好味！ 香煎蘇格蘭三文魚柳配三文魚子 三文魚煎到外皮好香脆，好厚肉，肉質好嫩滑，加埋三文魚子，增加鮮甜口感😋！伴碟既忌廉汁令三文魚有另一種味道，更美味。 📍 登堂 (觀塘) 觀塘興業街4號The Wave2樓