香港銅鑼灣｜Chez Bistro

疫情後再次嚟呢度食，留意到而家只係得返幾間餐廳仍然喺呢個大廈入邊，呢間餐廳中午仍然滿座，證明食物質素有水準。 中午三個course午餐，但實際上等於其他餐廳四個course，因為已包括沙律、餐湯、主菜及咖啡茶，最貴都係$188，性價比高。 頭盤麵包都有兩款嘅選擇，最後我都每款攞咗一個，梗有一款啱口味。 沙律菜夠新鮮，仲有一隻鳳尾蝦及炸薯條，配搭精緻。 南瓜湯夠creamy ，味道幾平衡。 香煎脆皮低溫慢煮法國黃油雞胸，雞胸我淨係食慢煮，唔會有蝕柴皮嘅感覺，將雞胸嫩滑度提昇唔少。黃油雞嘅雞味好濃烈，雞皮亦比較薄脂肪比較少，煎得好似薯片一樣薄脆。 低溫慢煮和牛面頰配牛肝菌忌廉蝴蝶粉，牛面頰本身已經好諗，用慢煮仲有少少溶化感覺，牛肝菌忌廉夠濃烈。 喺銅鑼灣鬧市入邊，因為佢哋樓層夠高，都望到外面一啲圓嘅風景，配合餐廳雅致嘅裝修，享受一個寫意嘅午餐。

性價比極高法國餐、野食好味、環境舒適、氣氛好！ 同朋友叫左兩個3-Course Lunch Set一齊Share~ 首先沙律都非常有誠意：鳳尾蝦，羅馬生菜，BB 菠菜車厘茄沙律配菠蘿蜜糖芥末汁。🥗🥗 好好味，仲有啲脆脆面包粒🤣 日本南瓜忌廉湯🥣 偏creamy既口感☺️ 低溫慢煮澳洲和牛面頰肉，牛肝雜菌忌廉燴蝴蝶粉🥨 超好食呀！牛肝菌味好夠，再加大量既牛肉，每一啖都好有口感、好滿足！ 炭燒美國特選黑毛安格斯牛肉眼扒配肉汁燒薯仔🥩 個人認為五成熟係最保留到肉汁同埋個口感☺️，佢仲有三種醬黎配啲肉眼扒☺️～味道大致滿意，係少部份位置太多筋～ 芒果拿破崙🥭 超超超好食！擺盤精美已經大大增加食慾，啲芒果仲要好鮮甜😋

今晚約朋友到 Chez Bistro 吃晚飯，餐廳位於銅鑼灣鐵站百樂中心，裝飾帶歐式小餐館的味道，環境幽靜浪漫，舒適地聊天一流。😉 餐牌選擇有套餐，前菜、餐湯、主菜、甜品、餐飲、酒品等。餐前麵包有兩款自家製麵包，牛角包外皮烘得鬆脆，加上黑醋和橄欖油更滋味。 前菜 香煎法國自然放養鴨肝配焦糖蘋果配砵酒汁 擺碟吸睛，鴨肝外層夠焦香，散發黃光，入口油脂甘香，配焦糖蘋果更開胃，中和了內臟的油脂感👍🏻👍🏻 香草蒜蓉白酒煮紐西蘭鑽石蜆 蜆肉鮮甜，以白酒煮過，味道更突出，帶有淡淡香蒜更惹味。 法式和牛面頰洋蔥湯 熱滾滾上枱，材料豐富十足，和牛肉粒鋪滿湯頭，洋蔥味香甜。 主菜 - 香煎海捕金目鯛魚柳拌龍蝦尾配海膽忌廉汁 魚肉外脆內軟，口感嫩滑，特別是魚皮位置，魚油焦香香味突出，龍蝦肉爽口彈牙，加上海膽忌廉汁鮮味十足。 炭燒美國特選黑毛安格斯牛肉眼扒配肉汁燒薯仔 職員提供了三款芥茉醬供選擇，有英式，法式和芥茉籽，各有特色，肉眼五成熟，切開粉紅色，肉味濃厚，口感煙韌，脂肪比例均勻，值得一讚用上炸薯仔片做伴碟，十分滋味😉 餐酒用上了白酒，清甜易入口，十分適合海鮮類如龍蝦，魚柳海鮮菜式👍🏻無酒精選了熱情果梳打，清新解膩，果香味豐富🥰 甜品 - 紅酒燴法國佛羅倫斯啤梨伴雪糕 外觀一流，酸甜的啤梨伴汁醒胃，冰凍的雪糕令人滿足🏖️ 芒果愛文拿破崙🥭 鬆化的酥皮與酥皮之間夾著香甜的芒果肉，口感有層次令人陶醉。 食物質素高，擺盆精緻，打卡感一流，環境氣氛令人感覺放鬆，過了愉快的晚上。🇫🇷