香港荃灣｜Việt Thuý Uyến

在荃灣有這間越南餐廳，由越南華僑主理，提供正宗越南料理，蟹膏湯檬湯底濃郁鮮味，蝦卷撈檬材料充足，必吃甜品班蘭葉綠豆糕及芒果糕，值得推介。

對粗眉仔來講，大窩口一直以來都係一個好陌生嘅地方。 今日會嚟呢度主要都係想試吓呢度一間越南餐廳，因為有朋友講到天上有地下無咁，姑且試吓係咪真係咁堅。 2:30有下午茶餐，所有湯粉一律$50 ，好鬼抵。 咖喱牛腩湯檬好鬼大碗，咖喱汁唔辣，甜甜地好惹味，同檬粉配合得天衣無縫。 牛腩不但大嚿，而且炆得好鬼冧，入味之餘仍然有好濃郁嘅牛肉味，食材靚冇辦法。 除咗湯粉，佢哋嘅法式三文治都好出名。 粗眉仔點嘅係最經典嘅扎肉三文治，望落好似好普通，識落先知知味道。 個麵包表面烘得燶燶地，食落好香口又唔會太硬，非常難得。 再揭開個包睇睇，原來佢係挖空左入面再塞入餡料，非常有心機。餡料嘅配搭都好得，除咗主角扎肉之外，仲有酸菜同埋芫荽，層次分明而且感覺清新，粗眉仔可以好權威咁講，越南法式三文治係喺香港食過最好嘅。 因為好日唔嚟大窩口，粗眉仔一次過食咗兩個下午茶餐，有今生無來世，結果搞到全場矚目，個個都以為粗眉仔啱啱北韓出嚟……

味道唔錯，價錢合理👍🏻