香港上環｜La Postre

同朋友放咗工之後，想搵個地方傾吓計。 我哋特登冇去SOHO中環嗰啲酒吧，反而嚟咗呢一間喺上環嘅樓上餐廳。因為我哋就係貪佢比較靜，坐得舒服又可以慢慢摸下酒杯底。佢呢度嘅裝修都好靚，好有歐洲嘅特色，好似歐洲街頭咁,有啲燈柱、古老鐘樓，俾你一種好Chill嘅感覺。 西班牙水果酒 飲落酒味一啲都唔覺，所以好易入口，女仔都啱飲。因為紅酒已經混合左多款嘅水果粒（青蘋果、紅蘋果、橙等），而且又加入咗有汽嘅汽水，同果汁基本上冇乜分別，一定要試吓。 水果茶 茶底濃郁，你從顏色已經可以講得出。而且混合左一啲水果粒，倍增風味，唔鍾意酒精嘅朋友呢一杯就係你杯茶。 呢兩杯就係我哋嘅選擇，飲酒同埋唔飲酒嘅朋友都可以搵到適合自己嘅飲品。我呢個嗜飲嘅朋友梗係叫呢一個西班牙水果酒。 之前都食過呢一間餐廳，但係原來近排佢哋轉左新餐單所以就再試一試。 西班牙蛋餅$58 薯仔一層一層加蛋漿薄薄咁樣鋪起，再加左d火腿洋蔥絲，食起嚟感覺都好特別，口感實在，配襯佢足料蕃茄醬，就好似早餐咁😆 西班牙菜又點少得Tapas，呢啲細細件嘅一口多士就啱晒啦！ 海鮮芒果醬蕃茄莎莎多士$48 個莎莎醬好味，清新鮮甜既蔬菜既味道，記得一口過一啖食晒所有嘅材料，咁樣先至可以喺你嘅口入邊爆發英食旅程。 鮮蝦蘑菇忌廉芝士多士$48 細細件嘅多士，你見佢幾都係非常慷慨，成件多士都擦住香草忌廉芝士，所以入口味道別香濃。 傳統西班牙蒜片蝦配蕃茄香草麵包$108 呢個醬真係不得之了，好味到應該用樽裝起！佢嘅蒜蓉香氣超級濃，似將數十億嘅蒜頭打成。配襯埋佢個蕃茄香草麵包暖暖的，外脆內軟嘅就變成左蒜蓉包。 傳統西班牙烤鵪鶉髀配藜麥沙律$128 鵪鶉髀都係第一次食，覺得好新奇得意，因為好細隻好似一隻手指咁長，食起嚟都好方便好似雞翼咁。肉質其實比起普通雞肉結實間，脂肪較少，比較瘦唔肥膩。 蟹王忌廉意粉$198 連埋成個蟹上，好有睇頭，而且個蟹蓋入邊佈滿深綠色嘅蟹黃醬，仲有一個鐵匙羹好體貼咁樣可以俾你不起來送意粉。醬汁非常濃郁，緊貼地包住每一條意粉！ 抹茶麻薯紅豆窩夫$88 Wafe本身已經焗得外脆內軟，煙煙Un UN特別滋味，加埋個cream，綠茶雪糕，大大粒嘅十勝紅豆，真係好滿足既甜品。 6:00開始食傾到9:00 ，真係一大樂事！

一間裝修精緻，食物及飲品都非常出色的西班牙餐廳

我們很喜歡這裡的食物。甜點糕點又薄又脆。精彩的。 主菜都非常美味可口。我們喜歡排骨，我們點的所有小吃味道都很棒。 這確實是物有所值。 喜歡牆上的時鐘。有些人評論說確實感覺我們在歐洲火車站。 與朋友聚會的好地方