香港銅鑼灣｜Chillax

無意間發現呢間餐廳，食物水準極高 當日就安排2樓用餐，裝潢雖然比較型格 但都比人一種放鬆、悠閒既感覺 地下嗰層仲有兩張沙發櫈，好chill(˶‾᷄ ⁻̫ ‾᷅˵) 當日經OpenRice訂位仲有折扣優惠 -蕃茄煙鴨胸意粉 $118💰 煙鴨胸焦香軟腍，鹹香味重好好食 意粉煮到啱啱好，唔會太硬或者過腍 而且佢嘅蕃茄醬加入咗臘肉碎熬製 入口唔會好酸反而好鹹香 另外唔知係咪加左忌廉落去煮，好cream -黑松露忌廉野菌意粉 $118💰 上枱淨係睇個樣已經覺得一定會好香濃黑松露味 真係冇諗錯，入口係好cream好濃稠 而且野菌粒一啲都唔孤寒比得勁多 每一啖意粉都會有野菌入口 真心覺得兩款意粉都好出色，呢個價錢真係勁抵食 而且份量多，可以食得飽我🤫 -酥炸墨魚咀 $98💰 大大粒炸到好酥脆 沾埋蜜糖芥茉醬加多幾條沙律菜 口感好豐富，爽脆彈牙唔油膩 -Pineapple Juice +$8💰 一上枱已經聞到好香既菠蘿 入口都不負眾望，好香甜，味道好天然 -Matcha Latte +$20💰 呢杯反而有少少遜色，入口回甘 比起抹茶我覺得佢更接近綠茶味🍵 而且個人覺得口感唔夠cream，但其實都不錯

睇完七師傅《七救星》之後就好想去吓chillax呢間餐廳👀 佢哋逢星期二、六就會有個「細味·靈聽 頌缽體驗」🌿 可以享受45分鐘頌缽體驗及享用精選餐點！仲有專業頌缽音療師坐鎮，睇到真係好吸引！😍 所以我都決定報名，希望可以透過體驗放鬆吓身心釋放工作壓力😮‍💨 價錢$438一個人，$850二個人💰 餐廳佔地兩層，下層係寵物友善餐廳，上層有間獨立房間for workshop，好闊落💁🏻‍♀️ 裝修係行時尚型格嘅灰調，店內播放著好calm嘅音樂，格外寧靜😌 坐咗一陣職員就遞上全新嘅拖鞋，等齊人就入得去上堂啦😙 嗰日好好彩有阿旦同我哋一齊體驗頌缽，真係又驚又喜，阿旦真係好nice㗎🥰 整個頌缽體驗共45分鐘，一入到去已經見到個「頌缽陣」有十幾個唔同嘅頌缽，幾壯觀🤩 唔同嘅頌缽會產生唔同嘅聲音同振動頻率，可令身體進入深層放鬆👀 音療師話療癒可以舒緩頭痛、背痛、消化系統、肌肉繃緊疼痛等症狀，仲可以提升睡眠質素，改善失眠！真係啱哂我🤣 療癒中我有感覺到膊頭有少少痺(音療師話其實頌缽嘅振動頻率係可以幫助身體自我修復及排毒) 療癒後感覺成個人都放鬆咗☺️ **温馨提示：記得療癒後要飲多啲水，補充返水份💧 體驗完咗之後就係用膳時間啦💕 Brunch Menu有4款菜式揀，其中有2款係素食！適合素食人士🥗 另外個Brunch係包一壺CBD水果茶😮 ♥ Chillax All Day Long 呢個All Day 分量相當多，好豐富！質素意外地高質😮 有豬肉腸、ham、牛油果、大啡菇、蕃薯粒、蕃茄、雞蛋、麵包同沙律。麵包有事先烘過，幾香脆，配上牛油果🥑真係絕配。當中我最愛就係個蕃薯粒，蕃薯有焗過，幾香口夠香甜。大啡菇好juicy😋 食完都幾飽，果然足料🤰🏻 ♥ Classic Egg Benedict 佢哋嘅Egg Benedict幾驚喜，齋望個樣已經令人口水直流🤤 parma ham大大塊，鹹香十足🐷 牛油果香滑濃郁，分量慷慨，牛油果控必試！👏🏻 個水波蛋做到流心🤩 淨係呢樣已經比唔少cafe質素好。自家調配荷蘭醬係成個Egg Benedict嘅精髓，味道都相當唔錯，質感絲滑唔會過酸！底下個Muffin好酥脆，配埋荷蘭醬、鹹鹹香香Parma ham同流心水波蛋真係無得輸！🤩 另外伴碟沙律都幾多，新鮮爽脆！👀 ♥ CBD Fruit Tea 今次係我第一次試大麻二酚CBD飲品😮 佢哋用嘅CBD oil係選用Twenty One Life本地品牌，職員話只需滴少量就可以達到平靜心神舒壓效果，有緩解疼痛功效，有助改善睡眠、放鬆身心！CBD oil係唔會影響飲品味道，無色無味💧 現場更有其他CBD產品可供選購。 自家製水果茶顏色好夢幻，係少女粉紅色呀💓 味道好清新，有玫瑰花瓣、果乾等，飲落順喉唔會過酸過澀😉 —————————————————— 第一次去頌缽療癒對我嚟講真係全新嘅體驗！幾新奇😜 我好enjoy成個過程，療癒後達到心靈平靜，同店名一樣「chill + relax」呀☺️ 個人覺得幾適合繁忙嘅都市人，平時壓力大嘅朋友仔嚟體驗😎 食物質素亦比預期中高質！食得出係有誠意👏🏻 大家不妨嚟試吓！呢度平日食完飯可以仲可以享受按摩服務💆🏻‍♀️，我有機會下次經過再過嚟試吓先😝

想喺繁忙嘅生活中找到適合自己嘅放鬆方法？大家會去邊呢✨？ 我搜集資料發現有一間新開既餐廳位於銅鑼灣，環境又大有兩層高，裝修顏色配搭好令人舒服💕，仲可以按摩同招待狗狗🐶！真係第一次見！佢就係chillax！ Chillax 集合所有令人放鬆嘅元素，務求帶比你一個全新嘅餐飲體驗🥳🌿我地選擇了👉🏻Package B 30分鐘按摩💆+一款小食🍰和一杯飲品☕️！食物方面都有意想不到嘅好味😋，Scone 香脆鬆軟令人非常回味！而技師方面都有多年經驗，仲治療好我媽媽手💖！整體上，我同朋友都感到非常滿意！呢度簡直係一個relax嘅天堂！😇