香港又一村｜Yadllie Plate

今日想食下韓國嘢，就嚟咗呢間新開嘅韓國餐廳，上到去裝修環境幾舒服 海軍部隊鍋（八爪魚） 呢個部隊鍋非常吸引，因為有大大隻嘅八爪魚喺上邊，而湯底係辣醬湯，話明部隊鍋，入邊就一定會有部隊鍋應有嘅配料，例如午餐肉，蔬菜類，丸類等等，另外再會比多一包韓式公仔麵俾你，呢一個鍋兩個人食份量啱啱好，唔會太多，仲可以俾你試吓其他菜式。 太邱辣醬無骨雞 呢一個菜其實類似係辣醬炸雞，但係冇骨嘅，方便食用， 而且辣醬味道濃郁，食吓食吓會越嚟越辣，不過真係好好味，好特別，因為可以做到裏面肉質多汁又軟林林 百香果水果茶 呢個嘢飲係一jar俾你，可以兩三個人一齊share，但係唔會太大樽，水果非常新鮮，入面亦都有啲百香果肉粒，酸酸甜甜，非常Fresh 香芋沙冰 超級香香芋味，好似食緊香芋雪糕一樣，當你食太多濃味或者辣味嘅食物嘅時候，飲返一啖就可以中和返口腔裏面嘅辣，而且又唔會太甜，非常之好

我地1點左右過去食，lunch仲有全單7折，勁抵！餐廳裝修好靚，木系feel我好中意，座位又舒適。 泡菜 韓國餐廳一定要食，呢度泡菜好爽脆，唔會太酸太辣。 驚喜二重秦 一份入面有沙律，牛扒，炸雞。岩哂乜都想食少小嘅我。牛扒上枱滋滋聲，有熱石係下面，生熟度自己控制啦。餐廳已經幫手切好一件件方便大家食用。炸雞有4大件，炸雞好脆，咬入口肉質juicy，調味剛好又夠熱。。 八爪魚煎餅 Wow。個煎餅好大份，入面勁多八爪魚。唔會煎到好油同燶。粉漿亦不太厚，仲有好多葱。上枱時候好型，有個辣椒插係中間。食入口個邊仲脆卜卜，好正！ 蜜瓜冰沙 呢杯勁正，好似飲緊蜜瓜奶咁，味道好香好濃，加埋cream勁滑，唔會飲到有碎冰。 巨峰乳酸梳打 好濃嘅巨峰提子汁味，但唔會好甜，加埋乳酸味道好清甜，下面仲有爆珠，再加2粒提子🍇 士多啤梨雪冰 哇。賣相勁吸晴！作為一餐飯後甜品，簡直係完美！雪冰鋪滿士多啤梨🍓，啲雪冰入口即融，個冰係有牛奶味，真係好好好好食！

兆萬除咗放題,仲有韓國餐廳,呢間韓國餐廳CP值都幾高👍🏻所以差唔多等咗1個鐘先有位 首爾醬油無骨雞 炸雞細細件食落口好方便,肉質唔會好乾,有少少juicy,醬油帶有少少甜味😋配料仲有同薯條同醃蘿蔔 韓式海鮮煎餅 煎餅香脆😋入面有好多配料.包括有韭菜,蝦,魷魚等等.點埋韓式醬汁,好惹味🤤 鮮椰奶沙冰 味道清新,椰子味幾濃😍甜度適中