香港尖沙咀｜Let's Jam Bistro

路過時見到呢個餐廳的果醬口味好似幾特別，咁就點左幾款食物黎試下佢的jam。 香草雞肉沙律配芒果油醋汁 $79 雞肉好嫩滑好juicy，雞皮都有d位煎到少少脆，食到有好濃的香草味。沙律菜食落好新鮮，一擺入口就食到好濃的芒果甜味，甜味過左之後就食有醋的味道，醬汁酸酸甜甜，非常惹味。除此之外，沙律菜仲撈左少少果肉，食落口感十足🥰 玫瑰蘋果醬單骨雞翼（半份） $26 份量有五件，雞翼表皮烤得好香脆，雞肉都算juicy，唔會好乾好柴。雞翼表面蘸滿左玫瑰蘋果醬，都好清楚咁食到玫瑰味同蘋果味，食落好香甜好好食。 英式鬆餅配果醬（蛋黃菠蘿果醬） $26 一見到蛋黃菠蘿醬就覺得好過癮，所以特登叫個鬆餅黎試呢個醬。果醬聞到有好濃的菠蘿味，都聞到少少蛋黃味。果醬質地唔算好濃稠，有d稀稀地，潷上黎時見到好多菠蘿果肉。果醬食落能夠好清楚咁食到蛋黃味同菠蘿味，無諗過蛋黃同菠蘿咁夾咁好食，能夠互相帶起對方的味道，非常好食。鬆餅烤得外脆內軟，食落口感好香脆好綿密。 試左呢幾款果醬，都覺得好好食，呢個餐廳的果醬的確值得一讚。 一起果醬 (尖沙咀) 尖沙咀松山道15-17號地下D號舖 *上述文章只供參考及以當時價格為準

以歐陸早餐黎講，價值相對較平宜。 早餐： 鮮果乳酪士多啤梨果醬厚多士+飲品$44 +細火腿忌廉湯通粉（$8） 好食，夠飽，通粉建議加因為好好食。 今日星期六，毛毛雨，少人，平日不清楚。

如果你是住在附近的旅客或在附近工作，我會向你推介一起果醬的早餐，它的忌廉湯通粉和果醬多士都很美味，也可以將餐飲加錢轉為特式咖啡