香港尖沙咀｜Nathan Left

🔸  set dinner  $388 【頭盤】 左岸香煎珍寶蟹餅 呢個蟹餅其實係吉列做法，大大個蟹餅裏面全部都係 免治蟹肉 碎，好香口，有好輕微嘅白萄葡酒味，蟹餅上面就鋪咗一啲雜果粒，主要係芒果粒，好睇又好食。仲有少少野菜沙律 配芥末蛋黃醬，算係一個惹味嘅前菜。 【主菜】 烤美國草飼封門牛柳8安士 雖然話係8安士，但係都有兩大舊牛柳，牛肉表面係煎到焦香嘅， 配咗整串嘅六粒細蕃茄，同埋半球蒜頭，應該喺煎牛扒收汁時跟百里香同黃油放熱鍋煎成嘅，好香蒜味，封門牛柳喺比較瘦嘅，左岸這家俾料上成，食落牛味十足，啖啖都食到肉內肌里纖維分明。 【甜品】 提拉米蘇 呢個算係一個高質嘅意式蛋糕，上枱係仲係冰凍嘅，入口好冧 好有忌廉同芝士香味，唔會得個甜字。 🔸    港式叉燒拼燒腩仔薄餅 $188 餡料有好惹味嘅叉燒、燒腩仔、薑蔥蓉、雞蛋、馬蘇里拉芝士。 呢個應該可以叫做〝黯然銷魂批〞，因為佢主要嘅饀料就係 好肥美嘅燒腩肉同較瘦嘅叉燒，同埋上面整咗隻太陽蛋，蛋黃汁混合燒味一齊食，感覺不就是那個 黯然銷魂嗎？ 薄餅算喺厚批，但仍做到 脆卜卜好香口， 呢個fusion係 廣東人口味薄餅。 🗣另須加一服務費 人均消費：～$320 整體味道：7/10 性價比：6/10

Set dinner $388 (頭盤+主菜+甜品） 香煎左岸珍寶蟹餅 拳頭👊咁大粒嘅蟹餅🦀，炸至表面香脆，內層包有好多蟹肉🦀，混入少許芫茜，味道鮮香清甜😋。 招牌烤黃油雞 (半隻) 此店Signature菜式😍，當然要試下啦！雞皮🐓烤至金黃色🟡，非常靚😍，打完卡後📸，店員會用較剪✂️將雞剪成小件，方便客人享用，服務十分貼心💕！店員每剪一下，就聽到雞皮發出咔嚓咔嚓聲🤭，然後見到雞油及雞汁由雞肉內滲出😍。雞份量足半隻(竟然有理雞腳🤣)皮非常香脆帶油香，肉質軟嫩滑溜，非常好食😋。 四川麻辣XO醬手撕雞薄餅 $188 創意手工Pizza🍕，🔟吋大薄餅上面鋪滿手撕雞🐓、青瓜絲🥒及芫茜，肉味香濃又充滿麻辣🌶香味，呢個組合啱哂Duck嫂🦆口味，激讚👍！ 整體而言，服務以至食物都屬於高水準，等Duck哥下次抛低Duck嫂，約埋三五知己再嚟過先😂。

【尖沙咀🎸現場表演酒吧餐廳】 呢間酒吧餐廳樓高兩層，用上英倫復古裝修，燈光昏暗有情調，基本上每晚都會有live band演出🥁，啲樂手亦好識得搞氣氛，客人仲可以點歌，好有互動性，成個場面氣氛好高漲🔥！餐廳嘅菜式選擇好多，扒類、烤肉、薄餅、意粉呢啲都有齊，自家製嘅甜品花款都好多！叫咗主食，仲可以加多兩杯雞尾酒，調酒師仲可以根據客人口味，調配出獨一無二嘅雞尾酒🍸，chill爆！ ------------------------------------------- 🐂◖美國特級穀飼牛封門柳◗ $278 有8安士同12安士，仲有多款特色自家製醬汁可以揀！今次揀咗8安士，都有兩舊份量都唔少，五成熟煎出嚟啱啱好，外層有少少焦脆嘅感覺，裏面嘅肉質呈粉紅色🥩，切開佢啲肉汁已經流晒出嚟🤤，肉汁超豐富！配上胡椒乾邑牛肉汁作一個簡單調味，牛肉軟腍，肉味香濃！ 🍕◖港式叉燒拼燒腩仔薄餅◗ $188 呢個港式fusion薄餅鋪上叉燒同燒腩仔，加上煎蛋，成個黯然銷魂飯咁，好新奇特別！喺啲肉上面加上薑蓉，味道有少少鹹，好特別但又唔會好怪，係熟悉嘅港式風味！唯獨是個薄餅好似有少少over cook，冇乜嗰種鬆軟嘅口感，食落偏硬身😥～ 🥧◖肉桂蘋果金寶配開心果雪糕◗ $98 肉桂同蘋果呢個組合真係冇得輸，今次仲要加上開心果雪糕，另外仲有啲餅乾碎，一凍一熱食落好正😳，口感好豐富有層次，又唔會太甜，呢個甜品真係幾高質！自家製嘅甜品即叫即焗，要預早少少叫定～ 🌟Encore指數：8.7/10