香港太子｜何車車仔麵

【好好食太子車仔麵！】明知推介咗更多人排都要推介的店～抵食、好食、小食特別！有日喺太子約咗朋友，本身想食間黃cafe，點知間cafe唔開，拿拿臨諗食咩好，然後諗起唔少谷友都讚嘅何車！何車舖頭細細，請大家做好排隊嘅準備～ 好彩我食嗰日唔係等咗好耐就有位✌🏼 🍜叫咗燒豬頸肉、牛肚、雞翼、水魷蝦子撈麵麻辣汁，佢係15蚊一個餸，加加下好似好多咁，不過！佢每份餸都勁大勁足料！而且加到咁都未夠一個拉麵咁貴，完全無問題啦😎 🍜 $15一個餸但舖頭完全無揸流灘！水魷同牛肚佢都係分開用隻碗裝，朋友叫嘅牛腩同雲吞都係！一睇就覺得佢地好老實，豬頸肉勁多又勁厚，仲要好食！唔硬，咬落鬆化 🍜雞翼鹵得好入味，隻隻漲卜卜，多肉又好食。因為我叫咗蝦子撈麵，上面舖滿勁多蝦子，好香好正🙈 🍜仲有炸醉雞翼，你無睇錯我無打錯，炸嘅醉雞翼我都係第一次食，好好食！又唔貴！只係$15三隻！咬落去勁香酒味，但又唔會太苦，味道恰到好處，好正！ 呢間可以話係食緊已經bookmark要翻兜嘅舖

新搬嚟油尖旺覺得處處都有美食，但講到自己最鍾意食嘅嘢一定係車仔麵，我覺得係一份情懷，一份港式味道。 今日聖誕正日25/12 我㨂咗去一個無咁多人嘅地方就係太子，平日嘅太子人多到爆水洩不通全街都係人竟然聖誕節正日係冇乜人，超級正。 入到店就咩都想食想試，所以就快手揀咗一個何車麵五餸，我本身都鍾意食辣所以就點左小辣同埋麻辣😋 Wow 個辣真係有驚喜喎，唔係死辣嗰種係真係有香料嗰啲，每飲一啖湯都feel到啲辣係喺個嘴巴度擁出嚟。 加埋咗支飲品茉莉綠茶都幾得意，個Aftertaste有少少甜甜地😋 必食推介：蘿蔔，魚腐，燒牛舌芯 舊蘿蔔係真係入晒味，完全唔會有絲或者苦澀味，好鬼正。 味道：💛💛💛💛 環境：💛💛💛 價錢：💛💛 5x💛為最高 回頭度：7/10 整體而言我覺得係暫時油尖旺食過最好味嘅車仔麵，真開心又多一間必食餐廳。

好好味既車仔麵😋不過夜晚9點去食，連叫兩個餸都賣哂😭何車個湯底好特別好清甜，我食蝦子撈麵都飲哂佢個湯（有川芎，陳皮，花椒八角，丁香）🤣 唐揚炸雞，皮脆肉滑，跟個醬都好正！細細間店，外賣同堂食都仲不斷有人未停過手。