香港葵涌｜Relax Coffee

葵涌hidden gem! 一間好用心做嘅咖啡店，咖啡好飲，靚拉花，環境優美

今日去咗葵興去試咖啡，葵興係一個傳統嘅商工廈區，平時真係好少去，最大印象就係「試當真」拍左條片叫《葵興森林》。 全間鋪只有大約6個位，而且星期日休息，估計主要做上班族take away生意。但我一作為一個肥仔，一行入去就毫不客氣霸左高枱兩個位。 呢排有啲秋風起，所以我叫左杯熱齋啡（$38）。本身對呢種電梯隔離嘅take away鋪頭無乜期望。但一飲覺得好有驚喜：body厚得黎口感又好乾淨，後段係帶微酸的蜜糖味，我由熱慢慢飲到凍，個甜味就一直係脷根到翻滾。飲完索左隻杯幾下，殘留左一陣炒豆時嘅堅果烘焙香味。忍唔住索多兩下。好香！ 值得一提嘅係，我真係好喜歡擺書出嚟嘅cafe。我覺得精品咖啡之所以興盛唔單止係咖啡，而且仲關乎客人係鋪頭入面嘅消費模式、習慣。今日去飲啡一開始仲以為係細少嘅外賣店，結果意外收穫咗好多植物學知識，係超越我想像的。 是次消費為76蚊，冇service charge。我逗留咗大約兩三個鐘先走，雖然我全程都冇乜講嘢，但一直都有客人坐低、同店家寒暄、交換禮物、亦有人好似我咁睇書。我覺得呢種體驗有溫度得嚟係香港亦愈來愈買少見少。 如果大家行過葵興，我覺得大家可以去feel下。

Delicious coffee 好咖啡，難得喺葵涌有靚咖啡飲。靚espresso !