香港銅鑼灣｜Cafe Zense

慢煮24小時美國安格斯牛肋骨伴乾蔥紅酒燒汁 牛肋骨原條起骨切件送上，件件厚切又鮮嫩，經大廚用心慢煮，肉質軟腍又充滿肉汁，牛香滿溢，再淋上特調的紅酒燒汁，令牛肉的鮮味更出眾，非常惹味可口。 隨碟附上乾蔥、紅蘿蔔等配菜，清新爽甜，正好中和牛肋骨的膩滯感。 手撕法國油封鴨腿肉牛肝菌意大利飯 意大利飯口味正宗，保持獨有的半熟質感，嚼感十足。飯粒與濃稠馥郁的醬汁完美融合，散發著菇菌的清香，鹹香味佳，加上大量的鴨腿肉夾雜其中，每一啖的滋味都非常豐盈，大滿足推薦。 牛角窩夫伴挪威焦糖芝士、焦糖餅碎、鮮忌廉 牛角窩夫新鮮焗製，食落酥香脆卜卜，帶有滿滿的牛油香氣，非常誘人。與堆疊成山一樣高的挪威焦糖芝士與鮮忌廉一起食用，滋味邪惡又甜美。 🐧❣️咖啡不論冷熱都十分濃香醇厚，順口滑溜，熱飲更有精美拉花和附贈lotus 脆餅，非常吸引。 餐廳採用輕工業風設計，設計簡約型格，柔和的燈光配搭舒適的沙發座椅，令人放鬆又寫意。 餐廳亦設有渡假風十足的室外座，吹著自然風享用美食，同樣愜意。

星期六繼續約朋友岀黎食飯 今晚去左銅鑼灣一間樓上cafe，我同朋友都食得好開心，餐廳有內外位置揀，我地見天氣涼涼揀左坐岀面，感覺幾清幽，好適合傾計chill下 頭盤我地叫左 🥢西班牙蒜片蝦配脆法包片，擺盤好靚，法包片香脆唔乾，有淡淡牛油香味，蒜片蝦有8隻，煮得入味彈牙，同行朋友本來唔太鐘意食蝦都大讚好味💯 主菜我地叫左兩個 🥢香煎慢煮葡萄牙伊比利亞豬鞍， 豬鞍十分厚身，肉質軟腍而且咬落仲好juicy👍🏻 🥢手撕法國油封鴨腿肉牛肝菌意大利飯 意大利飯性價比好高，價錢唔貴份量好夠，牛肝菌整得好香，唔會過鹹，食落啲鴨肉冇臊味，好味道呀！ 飲品我同朋友一人叫左一杯金莎朱古力😍 邪惡感十足，但係好好飲！啖啖都飲到金莎粒，甜度仲剛剛好，我比100分！ 一間值得回頭嘅餐廳🍴感覺到廚師嘅用心

萬聖節玩完鬼屋 一班Wally一齊去銅鑼灣食飯 我地去左間超高質Café 直頭有種滄海遺珠feel 前菜已經令到我地驚艷！ 酥炸大啡菇 炸得好酥脆 菇味香濃而且好juicy🤤🤤 香煎慢煮伊比利亞豬肩前排 豬肩肉厚但唔柴唔硬 甚有油香 配阿根廷青醬可以帶出伊比利亞豬肩嘅獨特堅果風味 地中海燴海鮮 海鮮又多又豐富 有大蝦、青口、大蜆、八爪魚等等 蝦肉結實彈牙 青口鮮甜 茄汁醬唔會太酸 有埋海鮮鮮味更開胃 大蒜青蘋果意大利飯伴香料烤慢煮豬腩肉 呢個意大利飯好特別 真係食到蘋果粒！ 青蘋果嘅酸甜中和晒豬腩肉同白汁嘅肥膩 手撕法國油封鴨肉牛肝菌意大利飯 平時好多時都只得牛肝菌意大利飯 原來加入鴨肉又ok喎 鴨肉嘅奇香好突出 法式同意式嘅創意碰撞 甜品牛角窩夫伴挪威焦糖芝士、焦糖餅碎 呢個又係超級好味 微鹹嘅芝士同牛角窩夫加上焦糖甜 味道好有層次 超級邪惡但又令人欲罷不能 除左食物高質 飲品都好正 佢地嘅豆腐smoothie 真係原磚豆腐鮮打 所以入口真係充滿豆香 Wally A 杯黑糖豆腐Smoothie 話好似黑糖豆腐花 我杯抹茶豆腐Smoothie 就好似豆乳抹茶咁香濃！ 飲品超班 食物高質 環境舒適 仲有室外座位 下次再去cafe 我都會諗起Cafe Zense