香港旺角｜貓啡 Catfe

今日去咗油麻地一間樓上貓Cafe，有大約20至30隻貓貓，呢度對貓貓超好，空間夠大又多玩具比貓貓玩，貓貓仲可以喺大滾輪上面跑步，見到每隻貓貓都好開心好舒服，仲有一啲搖搖椅一排幾隻貓一齊瞓晏覺，好嘆咁嘅樣，而且有啲貓貓非常痴人，你坐喺度佢就主動過嚟同你玩。你仲呢度除咗可以同貓貓玩，呢度嘅嘢食都非常之好味，係一間極之高質嘅貓Cafe。 招牌蒜香蟹肉明太子闊條麵 $128 碟上有一對貓貓嘅可愛手手，闊條麵油香蒜同埋明太子帶出好好正嘅鹹香味，另外蟹肉份量都唔少好好味。 溫泉蛋卡邦尼扁意粉 $108 滿滿嘅溫泉蛋包裹裹住每一條闊條麵，食落勁creamy，每一啖都有滿滿嘅蛋香味同芝士味。 燒章魚丸子 $58 章魚丸子正常發揮，都算外脆內軟，作為小食不錯。

初次到訪貓cafe，完全抵擋不住貓的粘人程度😍餐廳環境十分舒適，有座枱位，仿草地榻榻米，仲有盪鞦韆位！想同🐈🐈‍⬛多啲互動，可以揀榻榻米位。 -All day breakfast 喵全日早餐 🍳🥗🍅 $128 有菇、腸、蕃茄、沙律菜、炒蛋、煙三文魚同🥐 炒蛋超好味，打完卡都仲熱嘅🉐 -Carbonara with Onsen Tamago 溫泉蛋卡邦尼扁意粉 🍝 $108 啖啖意粉都係滿滿的醬汁，好正，又唔會膩。推薦👍🏻 -Croffle with movenpick ice-cream 牛角窩夫伴movenpick 雪糕 🧇🍧 $88 個人覺得最好味係呢樣🤤窩夫外脆內軟，配movenpick 雪糕凍夾熱嘅配搭，好掂！💯 -Matcha Latte ☕️ 有貓嘅腳印，好用心👍🏻

貓奴必定好喜歡🔥🔥 平日人頭消費一百蚊就無限時～ 今日試左卡邦尼意粉 🍝 係扁意粉 質地偏硬 醬汁偏稠 撈勻左又唔會覺得太咸 我覺得幾好味🤤 忌廉蟹餅 上枱時 見到用貓貓木碟裝住 好可愛 😍新鮮即炸 同埋入面係薯蓉 唔錯👍 蜂蜜雞翼 都有驚喜！ 蜜糖唔會太甜！雞翼夠大隻又juicy 好味😋 飲品有好多款式 ！ 有沙冰、梳打水、咖啡、汽水等等 總有一款岩心水🔥 最緊要呢間cafe有好多主子🐱🐱🐱 起碼有二十隻以上😆😆可以比錢買罐罐餵佢地 辛苦工作完 可以同主子玩下放鬆下都幾開心☺️