香港旺角｜Starbucks

今朝一早9點幾去買咗杯榛子咖啡， 店舖算大有特色，甜麵包甜品的種類也算多，可能因早上故冇乜人，服務員態度也很好。

前兩年去過，非常有特色的星巴克！

裝修好特別嘅starbucks 嗰日抽完血，諗住行去旺角東地鐵站，點知行咗一半都唔夠，就突然全身冇力，見到附近得間starbucks就拿拿臨行上去。 樓梯位置已經好特別，寫咗好多嘢，好有年代感，不過攰得滯，冇留意寫咗啲咩。上到去見人唔多，有位，好感動。 因為擔心自己會唔舒服，所以叫咗牛角包再加杯咖啡，coffee of the day，牛角包會主動幫我加熱，熱咗之後都好脆，幾好味。至於咖啡，會問加唔加奶或者糖，我揀咗加奶，佢哋好好咁會問埋加凍奶定熱奶🥰 最開心係人唔多又有半個鐘wifi，可以好好休息下。之後有力影咗啲相，因為唔小心去咗一間咁有特色嘅星巴克。