香港佐敦｜Cafe Addict

估唔到彌敦道大街都開咖啡店，除左交通方便之外，入面空間感亦唔錯，蛋奶素食選項有幾款，咖啡可以加錢轉植物奶，下午茶仲有蛋糕甜品食添。 Latte HK$42 咖啡豆帶炭燒味，入口比較濃厚，我還是偏愛堅果香重一點的咖啡。 雜菌黑松露蝴蝶粉 HK$108 味道有驚喜的蝴蝶粉，雜菌食極都有而且炒得夠香，忌廉汁加少少芝士粉也夠好吃，蝴蝶粉咬落還有嚼勁，唔係煮到爛晒果種。 雖然都係食黑松露意粉，不過見幾好食就收貨啦。

經過佐敦彌敦道見到呢間新開嘅型格Cafe，平日嘅晚上人流唔多，高樓底同長形嘅格局份外有空間感，呢度嘅咖啡同特調飲品都非常用心、仲有Cocktail、啤酒可以選擇~ 叫咗兩杯特調飲品都好有驚喜，🍹黃燕麥奶昔 （$58）係以黃色新鮮水果（芒果、香蕉、金奇異果、乳酸）打出嚟嘅飲品，口感順滑口味清新； 另一杯係每日限量供應嘅- 🥃殼雨 （$68 ），用玄米茶、熱情果汁同乳酸打出嚟嘅特飲，入口香氣四溢，配搭創新係少飲到嘅味道～ 小食叫咗🍠炸甜番薯條配梅子粉 （$78）、🍗自家製芝麻薄炸雞全翼（$88），兩款炸物即叫即炸熱辣辣，特別推薦香酥又甜既番薯條！朋友想食得清淡啲，點咗個🍅水牛芝士蕃茄酸種麵包 Sourdough （$98），賣相靚用料新鮮，一個清新又健康嘅配搭～ 另叫咗個二人晚餐（ $338） 💫招牌玉子燒早餐～非常豐富配搭有新意，一口氣食到玉子燒、南瓜餅、香草豬肉腸、燒雜菌、酸種麵包、沙律菜、車厘茄等，用料上乘，每款食材都好新鮮。 💫日本刺身帶子明太子長通粉～大大隻刺身帶子鋪喺面非常睛，帶子鮮甜、明太子加埋櫻花蝦鹹香惹味，口感輕盈，味道細膩。 💫餐飲可以揀兩杯咖啡亦可以補差價升級其他飲品，咖啡濃郁，溫度適中，咖啡同牛奶嘅比例剛好。 💫另外叫咗個Tiramisu，呈完美嘅半流質狀，帶有濃厚嘅咖啡酒香及軟滑的芝士，層次豐富。 💫跟餐附送嘅甜品有心思，芒果熱情果朱古力撻同伯爵茶撻賣相精緻，味道香甜有層次～如果跟餐想食Tiramisu可以加$38升級，一定唔會失望！ 🌟呢間Cafe製作用心，用料靚，餐牌選擇豐富可以同時滿足到想食得輕盈健康又或者突然想食得豐盛嘅你💁🏻‍♀️

啲嘢食唔錯~咖啡好飲~員工們都好有禮貌~個老細太靚仔~