香港觀塘｜Menya Maru Kyou

2022-09-29 同朋友去咗牛頭角食拉麵🍜 原來牛頭角有條食蛇街🐍 蛇街內有間叫丸京😋 聽朋友講丸京，係關注群組幾有名氣🥳 我本身少食拉麵真係唔知😅 平日晚市時段，爆場了😇 入到麵鋪感覺好似去咗日本🇯🇵 動畫個d拉麵鋪咁，可以望住師傅整麵😆 店員安排我哋坐二人枱（但要搭枱）😎 醬料有 我哋點了，小蝦干醬油濃湯真•叉燒拉麵 ，108蚊碗，朋友食過識揀，真叉燒係慢煮烹調方法製成，有六大件，口感好軟滑，自家製的拉麵湯底，小蝦濃湯，朋友叫我飲一啖，真係超濃蝦味，蝦味重得好誇張，飲完真係返唔到轉頭，幼麵麵質彈牙，好後悔無叫小蝦濃湯，重口味人士必點🦐 濃湯丸京拉麵，100蚊碗，我就揀了濃湯，真．叉燒，同正常叉燒，各三大件，以薄切形式擺放於湯麵上，雖然薄但好大塊，口感同樣軟滑，帶有輕微煙燻味，因為飲咗朋友碗小蝦湯，濃湯鮮味真係輪個馬鼻，幼麵麵質同樣彈牙，但都好好食😋 香蔥沙律炸雞，42蚊碗，沙律炸雞有五大嚿，份量真係好多，味道好似食緊沙拉骨咁，不過改用炸雞變成，外脆內軟嘅口感，加埋香蔥一流☺️ 整體環境就坐得好逼，但好有日本感覺🇯🇵 服務正常，有幫手跟單😂 食物份量好足，價錢合理，味道真係幾好，估唔到個湯可以咁濃味，會幫襯@maru.kyou試吓其他拉麵🍜 #麵屋丸京 #小蝦干醬油濃湯 #濃湯丸京拉麵 #香蔥沙律炸雞

價錢不便宜，但食物有質素且服務態度好

真叉燒非常香口，湯底濃郁。 但可能有點油膩，本人每次吃完肚子都會脹脹的，忌油膩者不適合選濃湯。