香港中環｜Little Bao (Central)

非試不可的小包包 包包食得多，依間確係俾到驚喜，中式饅頭西式演繹，用心製作交足功課，咬落一啖驚喜一啖滿足，令人印象深刻。 餐廳地方細細，好在有位坐在Bar檯，望住廚師用心製作，一點也不馬虎呀，食物美味價錢合理，值得一試。 沙薑薯條 $88 薯條幼身，炸得香脆唔油膩，灑上沙薑粉非常惹味，再蘸上沙薑沙律醬，沙薑味更突出，作為佐酒小食一流。 LB凱撒沙律 $78 平時食開的中式小菜豆豉鯪魚油麥菜，突然變左沙律真係好神奇。鯪魚變左蒜片咁脆卜卜，油麥菜清新爽脆，以鯪魚打成豆豉白芝麻醬汁，帶出鹹鮮味，實在不可思議。 招牌豬腩包 $98 慢煮豬腩肉厚身邪惡又好食，肉質軟腍入味，食落唔覺肥膩，配以刈包口感軟熟，餡料有大蔥、紫蘇葉、醃洋蔥、開胃酸瓜等配料和加上美味芝麻醬和海鮮茄汁，口感味道豐富，好味好味值得一食。 韓式煎餅 $128 煎餅表面脆薄香口，完全唔厚粉，色澤橙紅來自辣油，就咁食好夠味，餡料好多韮菜和煎得夠死，拎上手食會更好味架。 榛子意式雪糕包 $48 雪糕朱古力味濃郁加榛子醬，味道更有層次，亦唔會好甜，配上小炸包好脆有如食churros的感覺，幾特別的體驗。 鹽味雪糕包 $48 鹽味雪糕加焦糖都好好味，鹹鹹甜甜搭配得宜，個人十分鐘意。 Bao Chai! Hey Bao! $100 店員推薦2款比較易入口的cocktails，第一杯以烏龍茶為主調，加入fernet hunter酒及芒果汁等，酒味不會過搶，茶味中帶出甜味，加埋一層奶蓋，仲以為飲緊手搖飲品添。 KYOHO G&T $100 第二杯以巨峰葡萄及柚子為主調，加入 widges london dry gin，酒味較濃，又fresh 又涼快。

[中環]小包包 Little Bao . LB 凱撒沙律 食剩指數 : 0/100 以油麥菜及椰菜代替羅馬生菜 用豆豉鯪魚、麻油、魚露等東南亞調味做醬汁 清新中帶點鹹鮮 . 沙薑薯條 食剩指數 : 0/100 薯條加了沙薑粉 沙律醬都一樣混合左沙薑 沙薑味同薯條呢個組合好新奇 食唔停口 . 招牌豬腩包 食剩指數 : 0/100 豬腩肉入口腍軟 仲加左醃洋蔥 豬腩肉入口腍軟 中式包好軟熟 整之前再煎一煎 醬汁上下層唔同 一口咬落去好balance . 天婦羅軟殼蟹包 食剩指數 : 0/100 軟穀蟹天婦羅外脆內軟 配料有蟹籽蘿蔔沙律 中和油膩感 仲有少少酒糟麵豉 帶少少酒香 . SOUR PUNCH | CARBON BREWS 食剩指數 : 0/100 好似雜果賓治嘅德國小麥酸啤酒 味道充滿熱帶水果氣味 少少酸味幾清新 . BAO CHA! HEY BAO! 食剩指數 : 0/100 酒底係Fernet Hunter 酒感唔算太濃 Cocktail加左芒果烏龍茶 仲有奶蓋 芒果香味幾足 酒精版台式飲品咁 . 榛子意式雪糕包 食剩指數 : 0/100 榛子Gelato好濃榛子味 加埋海鹽nutella醬 炸包好脆 好似炸饅頭加雪糕咁好爽 . 綠茶雪糕包 食剩指數 : 0/100 綠茶雪糕無咁甜 炸包外層加左練奶 外熱內冷 用呢個完結呢餐好好

有無試過坐吧枱食burger？ 我試過，我真係試過 原來幾好feel㗎喎！ 今日去little bao一人晚餐 一個人坐吧枱又唔尷尬 仲有得欣賞廚師炮製美食 賞心樂事呀！ 試左佢個the CNY specials 幾有新意 又好味！ 避風塘翠肉瓜 平時嘅炸物大多係薯條 今次竟然用上翠肉瓜 我都係第一次食炸翠肉瓜😂 炸粉輕薄 主要都係食爽脆嘅翠肉瓜 避風塘香料香得黎帶微辣 好有新鮮感！ 紅米糟板燒雞包 包皮先會煎到脆皮 咁就唔會因為沾上醬汁好快淋晒 慢煮嘅三黃雞胸肉一啲都唔鞋 仲好香雞味👍 除左雞胸仲另有雞絲 子薑味道唔會太強但都有微酸味 紅糟醬汁係粉紅色㗎 又靚又好味🥰 春節雪糕包 用上清酒雪糕做饀 面層沾少許薑汁紅糟糖漿 果陣微辣點到即止 剩低係溫柔嘅清酒香味 麵包外層有先炸過 同雪糕夾層好有contrast 幾特別！ Chris lemonade 店員介紹似飲菊花蜜 果然味道甜美 酒味輕且淡 一個人微醺剛好🥰