香港西營盤｜DARE

店員有禮貌，食物亦比想像中好，仲要好抵食！正👍🏻👍🏻👍🏻

今次又係圈繞中西區去覓食, 嚟到西營盤要試下依間, 成日lunch都要排隊嘅餐廳 Dare 🥰佢個細心位係 啲配菜非常之好食 一般有雜菌 豆角同車厘茄 係經悉心去煮架!😍😍 唔係平時食大x樂 唔知咩canteen 既配菜都係生生哋 冇乜味 💬 汁燒牛舌飯 -$58 牛舌份量非常足夠 淋身入味唔會好韌 亦都冇我遇到好驚嘅情況(好似食緊原條脷咁嘅感覺) 燒汁甜甜的鹹鹹的好好味💓好正!! 💬 燒豬頸肉飯 -$60 相對牛舌飯, 豬頸肉飯就冇咁特別, 可能其他地方都有機會食到, 不過我覺得 豬頸肉爽口, 本身味道都足夠, 配埋魚露食豬頸肉更加好味 💬 和風紫菜單骨雞翼 -$38(唔記得影相..😑😑 佢本身紫菜粉唔係好多味精, 唔會太咸太口喝, 配落脆卜卜雞翼度好香👍👍 佢仲有芝士口味, 係落好多好多芝士粉,不過我最鍾意都係食避風塘口味多啲😜😜(都係唔記得影相.....) 呢間另外仲有漢堡 同 和風牛柳粒丼配溫泉蛋飯我都好鍾意🥰

經典漢堡同魚柳漢堡都好正 個麵包熱辣辣脆卜卜焗好有麥香牛油香 牛肉好有手打風味口感好好 魚柳外脆內軟唔會太油膩 薯條都好香脆 如果可以我想俾六粒星星❤️