香港觀塘｜i kitchen

【i kitchen】 觀塘嘅ʟᴜɴᴄʜ ᴛɪᴍᴇ通常都一定大排長龍！ 所以我會選擇ʟᴀᴛᴇ ʟᴜɴᴄʜ😆 「龍蝦汁海鮮意粉」🍝 大蝦勁大隻，肉質爽彈鮮甜❤️ 🐙八爪魚都唔會ᴏᴠᴇʀᴄᴏᴏᴋᴇᴅ，口感Q彈‼️ 龍蝦汁做得好出色，唔會有苦味😋 美中不足嘅係意粉偏硬…… 「刺身帶子南瓜蘆筍意大利飯」 呢個ʀɪssᴏᴛᴏ好高質👍🏻 軟硬適中帶有煙韌口感😋 雖然南瓜蘆荀忌廉汁有啲膩，但食食吓又想一啖接一啖咁食😆 另外，帶子煎到ʀᴀᴡ ʀᴀᴡ地，軟彈好味‼️

今次想介紹嘅係位於觀塘工廠大廈這一間餐廳。近幾年大家應該留意到其實觀塘工廠大廈都多咗好多唔同嘅餐廳㗎，我今次試嘅餐廳名就係I kitchen。首先講吓呢間餐廳個環境先，我覺得呢間餐廳個環境坐落都幾舒服，另外佢個落地玻璃都可以望到觀塘嘅街景。之後就講吓嘢食啦，我嗰日同朋友就叫咗兩份套餐，首先我朋友就叫咗個米蘭式海鮮意粉，我就咁睇個名都幾好奇到底呢個意粉係有啲咩特別㗎，味道而言其實我覺得都幾好食，佢用咗餐廳特製嘅蕃茄醬再加埋啲海鮮去整呢個意粉，海鮮嘅份量都唔差，而蕃茄味都幾濃。跟住就講下第二份套餐啦，就係香煎紐西蘭肉眼，嗰日我就叫咗三成熟嘅。想講呢一份紐西蘭肉眼真係好有驚喜，如果塊肉眼本身嘅質素唔得嘅話叫三成熟一定會好韌，但係呢一份肉眼食起上嚟個口感就好軟淰，同埋啲肉汁都鎖咗喺入邊。完全反映到塊肉眼嘅質素係有幾高，再加埋佢個擺盤真係好俾心機，大家見到嘅紅色綠色黃色嘅汁其實就係代表返茄醬青豆醬同埋有黃薑粉係入邊嘅醬。真係好特別嘅一個擺盤！另外我都想推介下佢嘅芒果茶，真係好消暑，我都幾滿意！誠意推介大家嚟呢間餐廳食下啦！

有水準的工廈餐廳 觀塘工廈由於租金特平，很多有質素的食肆都會因降低營運成本而遷入。今晚約了友人來到巧明街一間名為(I Kitchen)西餐廳用膳，店舖頗為濶落，簡單的裝修配以整齊清潔的環境，已經給客人舒適的感覺，侍應殷勤招待，看過餐牌，揀選了主菜再加$38便可以有餐湯和咖啡。 餐湯是甘筍忌廉湯，配以麵包棒，賣相不錯，甘筍湯香濃幼滑。兩款主菜都揀選了牛扒： 香煎鵝肝伴牛柳 - 鵝肝室溫解凍後兩邊以中火煎至二分鐘，牛柳來自紐西蘭，師傅加了少量鹽調味，以大火煎香表面，下調至文火每面煎了片刻，熄火並將牛柳靜置數分鐘，上枱時肉香四溢，鵝肝甘香軟滑，牛柳肉嫩，肉汁豐富，相當滋味。 厚切美國安格斯肉眼 - 份量十足，一大片安格斯肉眼扒 ，師傅大火燒熱至略為冒煙後，放入牛扒以大火煎一分鐘，反至另一面，再煎一分鐘，之後改中小火，牛肉煎至五成熟後同樣置放數分鐘才上碟，肉汁完完全全被鎖住，牛肉入口鮮甜軟滑多汁，令人回味無窮。 吃過主菜，意猶未盡，再加兩件甜品： 抹茶千層蛋糕 - 抹茶味濃，蛋糕軟滑。 意大利芝士餅 - 以意大利軟芝士、糖和甜酒製成，奶味香濃，質地幼滑。 最後還以香濃即磨咖啡作結。