香港尖沙咀｜六両三 (尖沙咀店)

想試呢間有名嘅台灣牛肉麵店好耐，今日專登抽到時間陪男友嚟一嘗台灣嘅古早味牛肉麵，的確好傳統嘅味道，食落就知湯底冇添加，好有地道嘅感覺。 半筋半肉麵 牛肉麵湯底十分濃厚但唔咸，飲落冇味精添加，唔怕有負擔。牛筋炆得好軟腍，不過食落都有咬口，份量都好足，牛肉方面用了牛展，頗正宗，跟番台灣當地用料部分。 牛打牛筋丸麵 牛筋丸選用選用澳洲和牛，台灣製造直送嚟香港店，名符其實牛肉味好突出，比一般其他專食牛肉麵店的牛丸更爽彈，而且牛脂慢慢從丸內滲出，越食越香，個人認為可以話係本店招牌之作，十分推薦👍👍👍 涼拌麻辣牛展頭 麻辣味道幾突出，唔似平日食到的川味麻辣，傾向台灣風格嘅麻香，牛展頭咬落有啲韌而偏爽，幾得意嘅小食。 滷蘭花乾 睇圖幾有趣似香口炸物，原來係近似大塊狀豆卜的豆類製品，配上調製好的醬汁，食落香而有口感。 麻辣鴨血豆腐 選用真鴨血，值得一讚👍因為一般其他餐廳會偷偷用雞血/豬血代替，而口感亦軟滑，若可以調製得更入味會更好。 百頁豆腐 豆腐口感結實而有咬口，好有豆香味。 燙青菜+滷肉 油麥菜配上滷肉粒簡直一絕，滷肉粉係帶皮個種，十分正宗，而且炆得好香，男友食完話想追加碗滷肉飯 涼拌小黃瓜 偏向酸性，啱哂作為夏天開胃小菜。 酸菜 比外面餐廳偏向酸，不過十分啱我口味，可叫店員再添的喔！ 檸檬冬瓜茶 清爽解暑，不會太甜，幾好。 坐低感覺環境幾舒服，裝潢有點日式木系風格，店員有禮貌，上菜亦快👍不錯不錯！

呢間一向食台灣菜出名 於是就入黎試吓 牛筋牛肋條麵+溏心蛋+荔枝烏龍： 牛筋咬落去好淋好軟，唔會有痴牙感。而牛肋條咬落去入口即化，口感唔會覺得好粗糙，而麵質亦都偏軟，每條麵都掛上湯底嘅精華，另外加左溏心蛋，咬落去真係流心效果，充滿蛋香汁嘅味道。 荔枝烏龍絕對適合係呢個炎炎夏日扮演重要角色，尤其解渴！ 滷肉飯：半肥瘦滷肉，好香肉味，每粒飯亦都好飽滿，再配上全熟滷蛋，尤其解渴。 紅燒手打牛筋丸湯：牛筋丸絕對食得出係手打，入面爽口彈牙，完全無雪藏味！ 滷蘭花乾：姐係豆腐乾，上面淋上少量燒汁，完全令豆腐乾更加入味！ 蜜釀桂花茶（熱）：入面有好多桂花粒，而且暖暖地，飲落去尤其解膩！ 皮蛋豆腐：超大舊凍冰冰嘅豆腐，配上有雪花❄️紋嘅皮蛋，師傅選材方面絕對係精挑細選，有用心的！

個人喜好淋少少嘅牛筋，佢啲牛筋淋得嚟有少少煙韌， 幾入味。 湯我㨂一般， 但入口算濃味。 講返個湯底，就算台灣食都係就咁叫個麵就上，冇話咩個人化口味。呢度個湯底居然好似食拉麵咁有得㨂淡，一般，濃味，真係痴L線牛肉麵，係細緻到痴L線個種。 不過睇返評論，原來有好人又話個湯太淡又話太濃， 唔知是咪咁逼到老闆連碗牛肉麵都要度身訂造呢？ 5星星除左比個味道， 仲係比個有得㨂既湯底。 留意返堂食有限時間